2008年3月2日 星期日

睇樓

今日o既節目係 -- 睇樓!


媽媽今朝去o左大家樂買早餐返屋企,因為豬豬仲未訓醒!


食飽飽就出發lu!


哈!原來我o地係唔識路o既,都搵o左成個字先搵到!


其實好易去,只不過係我o地未去過o姐!


原先房署話開一座2個示範單位,但去到後開多o左D座2個示範單位!


我o地先去D座,因為唔使排隊!


去到比我原先預期有o的surprise,個客廳同飯廳比我預期中大好多!


因為之前去過豬豬朋友愉翠園屋企玩,o個度個廳感覺好細!


不過間主人房就比預期中細o左少少!


不過招呼朋友都係個廳重要o的,我情願個廳大o的喇!可以招呼多o的朋友o麻!


跟住去埋E座o既裝修示範單位,個感覺即刻唔同晒!


擺完傢俬個廳都仲有好多位,感覺好過愉翠園好多!


我、媽媽同豬豬都好鐘意呢度!


如果到我去揀樓時仲有我o地o既心水單位就好lu!


跟住就去o左啟田商場,因為今日吉之島95折呢!


豬豬仲話,若果真係抽到,你實開心死喇!


有吉之島,又有冒險樂園,又咁多o野食!


不過都係o個句,抽到先再算!


 


沒有留言:

張貼留言