婚紗展 -- 試紅酒

搞掂正經o野之後，就去今次婚紗展另一個目的 -- 試紅酒！

其實紅酒我o地一早已經搞掂，今次去試只不過係貪玩咋！

我o地去到一間叫南非好望角紅酒，因為之前我o地一向都無飲開南非酒，咁就停o左落黎試o下喇！

人o地擺咁多款出黎，我o地試足咁多隻！大大話話都有成十幾隻！兩個夾埋試o左人o地成支酒！

sale我o地o個個係個女仔黎，豬豬仲睇到人o地張leaflet，話人o地印錯o野添！

一路試，一路玩住咁話人o地係奸商！

仲問埋人o地o的好難答o既問題，搞到個女仔要喱o係我後面，仲要話好驚佢添！

原先我o地買o左3隻for 自己平時o係屋企飲o既！

跟住問o下若之後去門市買，個價同o係expo買都爭成$40支，所以最後都買o左1箱12支！

佢好就好在可以mix埋夠12支都送貨o麻！

我o地最後買o左3支唔同年份紅酒，再加9支好似bailey o既甜酒！

o個支名為南非非洲豹o既甜酒，飲落好似bailey，但比bailey滑o的！

個價仲平過bailey3份1，咁豬豬話唔使成日等吉之島幾時做特價先買，所以就買o左9支喇！

個樽外型都好靚，好鬼型！豬豬話擺酒時拎埋去，睇o下有無人飲！

就算無人飲淨擺都夠睇喇！

唔飲我o地又唔會蝕o既，因為我o地平時都會飲o麻！

就係咁，我o地又買多12支酒喇！

不過未知幾時送貨好，只係寫o左個送貨地址，時間日期待定，要返屋企同媽媽再商量幾時送貨！

我o地o係o個個counter都玩o左成個幾鐘呀！不過玩得好開心喎！

個女仔仲話豬豬仲未醉，咁飲多o的啦，係咁想隊醉豬豬咁！

哈！豬豬同我又點會咁易俾你o個幾杯隊醉喎！

我o地係非一般o既客o麻！

豬豬同阿樂係咁食人o地o的芝士同薯條，臨走時仲R o左人o地一支蒸餾水添呢！

哈！今日個婚紗展，玩同使得最開心係呢個counter呢！

我o地又買夠1千，可以去抽獎喇！

今次係抽到47，一隻越熱變色o既水杯！

雖然今次抽唔到想要o既o野，但今日成日都好開心呢！