2008年3月29日 星期六

大表哥結婚 -- 上集

今日係大表哥o既大喜日子!


由於之前女家指明要去酒店擺酒,所以大表哥o係我o的阿姨o既幫忙之下,揀o左沙田麗豪酒店!


其實大表哥o係唔知12月定1月已經註o左冊,而家係補擺喜酒!


呢個大表哥,我由細同佢玩到大,宜家見到佢終於都肯定性娶老婆,都真係替佢開心!


我之前聽我都覺得有無搞錯,仲要所有租衫錢都係要我四姨出,連租裙褂都係!


今晚好難得我o地成班表兄弟姐妹(出席有7)坐埋一齊(其實總共有9個,但有1o係澳洲同埋下個月結婚,所以無黎!另一個我就唔知喇)


其實我o地個個年紀都差唔多,話就話大表哥,其實佢都只係大我4年,我就排第6


4姨叫o左豬豬去幫手做迎賓,所以豬豬今日都有同我一齊去!


講返今晚個wedding先!


o5點半去到酒店!


一去到,阿新娘已經入o左新娘房換衫化妝!我都無咩見過個新娘!


去到俾阿大表哥叫o左去做迎賓,不過都只係坐o左一陣,就去o左打牌lu


今日好搞笑,豬豬居然見到公司同事喎!


oo係度等緊影相o既時候,有人叫豬豬喎!


原來係豬豬公司ITmanager!好彩個manger只係新娘o既朋友,唔係親戚o姐,唔係打埋算盤就叫親戚嫁喇!


估唔到咁樣都會撞到熟人o既!呢個世界真係細!


但今日入席o個時比較亂,o的人數o岩,但坐到亂晒,搞到成9點半先開席!


開席前例牌睇成長片段,之後就係進場喇!


今日大表哥致詞時,同阿4姨同4姨丈當住咁多人面,講我愛你


我估唔到大表哥會講嫁!4姨同4姨丈聽完好開心,eveno地都覺得大表哥講得好好!


今日o既遊戲係夾銀紙!由係例牌入場俾$20買張抽獎券,之後抽中就可以去夾銀紙!


食到第二道菜就抽到我o地喇,我就派o左豬豬上台夾喇!


豬豬好厲害呀,一夾夾到$660呀!


4姨即刻過黎同我講話回本喇、回本喇!

豬豬夾完阿大姨媽幾唔開心呀,梗係啦,佢不嬲都睇唔起我,宜家豬豬幫媽媽拎晒彩喇!

沒有留言:

張貼留言