呢排公司實在太多o野做,搞到返到屋企食完飯就去沖涼訓覺!
尋日本來約好保險陳生同陳太(又係陳小姐變陳太嫁!)上黎簽返份保單,因為佢o地之前o個日去o左澳門搞講座,所以成8點先搭船返香港!
9點半倒,我仲以為佢o地唔黎,所以就走o左上床訓覺!
o岩o岩訓著(我諗大約10點倒啦!),有人襟門鐘,原來係陳生同陳太!
佢o地係咁話唔好意思,唔知我o地咁早訓!
佢o地買o左包鉅記花生糖俾我o地食呢!
其實今次係將人壽o個份其中包醫療部份改o左plan!由原本保到65歲,改到100歲同埋若3年內無索償,就可以每年收返保費o既5%,最多為15%!
咁好過之前個plan喇,起碼都叫有得回贈返o麻!
豬豬o個份就遲o的會寄過黎,個plan會同我同媽媽o個份一樣!
唔經唔覺,幫陳生陳太買保險都成十幾年喇,佢o地可以話係睇住我大!
由第一份o既剩醫療保單,到宜家o既人壽、退休,原來我媽媽都真係幫我買o左好多份保險嫁喎!
見咁o岩陳生上黎,媽媽就問埋佢自己份退休保險退保o既o野喇!
因為媽媽諗住用呢筆錢黎俾首期,陳生話大約10日度,手續就會完成!
陳生話到時有需要,就預返時間通知佢就得喇!
所以,若揀到的話,首期可以唔使愁喇!
沒有留言:
張貼留言