深圳一天hea之旅

由於尋晚豬豬返o左大陸Annual Dinner ，無返屋企，所以我今日就上深圳join豬豬喇！

本來話叫我12點半上到去，點知佢o地公司10點半就check out，11點半就返到皇崗lu！

我就大約12點半過到皇崗！豬豬尋晚打牌，派o左$400息呀！係佢派俾人喎！

Steven 講得o岩，話豬豬都贏咁多(成個2月贏o左$3k)，派返o的黎使o姐！

第一站係先去o左美城酒樓9樓打波！

由於Terence未到，所以我同豬豬開o左張檯打一局先！

跟住Terence黎埋，咁我就做觀眾啦！

一等就等o左成3個鐘！之後先去按摩！

今次去o左間叫"德興城"o既地方！我唔建議朋友去囉，技術唔得，連服務，個場都唔太得！仲按到我同豬豬好痛添，都係廣州正好多！

按到8點半，我o地就1行9人去o左一間叫湘咢樓食湖南湖北o野！

呢間o的o野食ok嫁！食到11點，就各散lu！

佢o地7個人就留返o係深圳，我同豬豬就搭車返皇崗返香港lu！

本來今日諗住去荀崗文具城睇o下o既，但由於要陪豬豬同佢班fd打波，所以唯有下次先去lu！

今日豬豬仲話，阿謙話join埋我o地暑假個廣州團喎！好o野，宜家暫定團友已經有3pairs喇！

暑假個廣州團會去買埋o的濕碎o野，例如利是封，衣食碗筷，紅傘，絲花辨，上頭用品，安床用品、花炮、法國張大油畫o既相框等等.......！

最緊要o既就梗係去按摩同食啦！哈！