籌備婚禮o既預算

尋日做節，米奇伯娘問o左我o地一個問題！

因為豆豆問伯娘，阿哥(即係豬豬)搞結婚唔知要儲幾多錢先夠呢？

伯娘話佢o地拍o左咁耐拖先結婚擺酒，就知要儲好多錢啦！

豬豬話最少都要30萬！

跟住o的姨媽姑姐雖然係要儲好耐錢，但擺酒係開心好多！

二表姐呢個過來人都同意呢個係一個美好回憶！

我當初就係想有個美好回憶，所以先同意擺酒！

無擬一搞擺酒就有好多濕碎o野要搞，但個過程係開心多過唔開心！

但樣樣事都真係要親力親為！

豬豬話俾人o地做，到頭黎要執手尾都慘啦！

所以，由一開始到宜家，所有細節都係我同豬豬一手一腳搞掂！

唔係話唔信班兄弟姐妹，但佢o地都忙，都多o野做o麻！

況且唔係自己o既事，唔多唔少都無咁上心o既！

當然都有例外啦，就係我伴娘喇！

親力親為雖然辛苦同煩，但之後見到個成果，個成功感同喜悅感，非旁人所能明白呢！

所以，各準新娘子都要為我o地o既大日子努力呀！