參觀兄弟阿Kiu新居

其中一個兄弟阿Kiu，o係6月頭時已經入o左伙！

今日終於都約埋一齊上去參觀lu！

其實豬豬之前已經上過去一次！

因為我o地都係搵阿Kiu個裝修師傅裝修，所以上去睇o下o的手工！

今日都有成10個人嫁！

兩房一廳，走平實路線，一o的都唔花巧，似十足阿Kiu性格！

我本人認為ok嫁！

咁去得人o地屋企，無理由參觀o下就走嫁！

有4個就大戰四方城，其他有部份就玩play station，有部份就玩WII！

而我就陪住豬豬打牌囉！

因為我一入去間麻雀房，豬豬就即食糊，佢叫我千祈唔好走開喎！

其實都有前科，我一坐o係豬豬隔離，佢就好旺！

只不過係打o左4圈，豬豬都贏o左$400喇！

平時佢唔會自摸到，今日連續自摸成6-7舖，仲要係大o野黎o既！

搞到我唔敢行開，因為前科試過一行開佢就輸返落去！

之後有兩pair人要去做節，所以最後得返5個人食飯！

我o地去o左荃新天地食意粉！

食飽飽後就四散lu，我同豬豬就由荃灣行去大窩口搭巴士返屋企！

豬豬仲話我又陪你好似未拍拖前咁浪漫行路喇，你開唔開心呢！

雖然聽到呢句幾lum，但真係俾佢激死呀！