份拍拖週年紀念禮物o既其中一部份終於到手喇！
由於唔想俾豬豬知係咩黎住，所以我叫o左送黎我公司！
但可能由於我唔記得點明擺o既方面，所以同我想像之中出黎有少少出入！
但都唔緊要o既，宜家咁様個效果都好好！
宜家仲爭另外一部份，應該下個星期可以搞掂埋！
希望到o個日，豬豬會鐘意我為佢準備o既呢份小小禮物啦！
不過，我就仲煩緊可以點様送俾豬豬呢？！
因為o個日要去廸士尼玩，唔通拎住咁大件同重o既o野出街咩！
一係就一到12點就先送俾豬豬先，之後訓醒先出發去廸士尼！
好煩惱添，有無人有再好o的o既suggestion呀！
你地夜晚應該會去食飯架, 一早送定去你地book既餐廳先都唔都呀.
回覆刪除[版主回覆09/09/2008 19:23:00]我都有諗過，但要送入廸士尼喎！
唔通要叫同事幫手？！不過我又唔想麻煩佢o地喎！
你同廸士尼講丫, 佢地會幫你安排架, 佢地好樂意幫你架, 打電話去問下啦, 返正你都係入面食晚飯麻, 咪順便打去book埋位再同佢request囉.
回覆刪除我有個朋友佢入去食飯, book位果時同佢地講, 叫佢幫手送隻求婚介指比佢女友, 點知廸士尼安排左"米奇"係食飯時送比佢女友, 女友以為係晚餐小禮物, 收左之後一路都無開到, 諗住食埋餐飯至慢慢睇, 米奇不停吹佢拆, 女友拆左先知原來係求婚介指, 開女死佢.
[版主回覆09/10/2008 19:43:00]咁我都可以叫公司同事幫手拎入去，但我唔想咁呢！
明明係佢要俾surprise我嫁o麻，哈！