超眼訓的一天

尋晚打邊爐，我o地8點半開始食，一路食，一路等阿妹放工上黎！

點知食到9點3，突然之間跳制喎！

仲要係跳出面機房個制！

咁就搵管理署上黎整啦！

好彩真係只係跳制，唔係燒o左咋！

之後發現係原來個電磁爐燒o左，搞到全屋跳制！

咁o岩o岩開始打，無理由變做一品窩嫁！

咁豬豬就要即刻換衫落街買過個爐喇！

今次我o地買gas爐，因為豬豬話電子o野信唔過喎！

到時再壞咁今晚真係唔使食嫁喇！

所以，搞到成10點先正式食！

而阿妹就10點半上黎喇！

之後阿姨放工都上埋黎添！

我o地一路食，一路傾，食到成1點呢！

阿妹同阿姨都無走，o係我屋企訓！

而我同豬豬，沖埋涼都成2點lu！

今朝又要6點半起身，對一個一日要訓最少8個鐘o既我黎講，簡直係痛苦o既事呀！

但難得一次半次，無所謂啦！

今朝仲要9點返去開會，一開就開到成11點！

之後個枱頭同手提不斷響，係直至收工都無停過！

真係累爆呀！

今朝出門口時，同豬豬講，我o地今晚要9點半訓至得喇！

唔知，今晚可唔可以如我o地所想咁一早上床訓呢，哈！