拍拖6週年迪迪尼之旅(一)

今日8點半出門口，先搭42c入青衣城食早餐！

我o地去o左扒王之王食早餐！

有8折，仲免加一，兩個人都唔使40蚊！

食到10點3倒，就搭港鐵去迪迪尼lu！

10點9倒去到，已經有唔少人到o左，仲有唔少旅行團添！

門口有阿Jack o既Halloween佈置添！

我o地入到去，當然第一時間去做今次黎迪迪尼o既主要目的啦！

就係去買刻名水杯喇！

總共買o左兩對，兩對個sales話都係新返貨黎！

1對係香檳杯，刻o左我同豬豬個名同結婚日期！

1對係有耳Halloween杯，各自刻o左我/豬豬同今日日期！

我o地11點落單，都要成3點先有得拎！

咁我o地當然會走之前去拎啦！

今日我o地策略係先去行晒o的商店先，之後先開始玩！

行完都成12點幾，就出發去明日世界喇！

我o地先去玩巴斯光年！

豬豬又輸俾我喇！

之前玩過3-4次，豬豬次次都贏我唔到o既，哈！

見馳車天地無咩人去玩，所以我o地又去o左玩喇！

跟住去玩個鬼異版Space Mountain！

其實都無咩特別，只係加o左o的阿Jack o既所謂鬼怪圖案！

由於Halloween，所以入場有阿Jack o既夜光紀念冊！

佢有6個格係吉o既，要跟據佢o既提示去搵o個6個貼紙出黎！

集齊6個就完成夜光紀念冊喇！

我o係明日世界已經拎o左3張喇！

之後就去Plaza Inn食lunch lu！

去呢度因為有員工價餐，每位平成$50嫁！

呢o的就係我o地o既午餐喇！

2點零食飽飽就埋單走人lu！

我o地仲book埋位食dinner添！

諗住睇完個夜間巡遊就去食！

食完lunch，今日o既重頭戲先正式開始呢！