過大禮用品

我o地o係中環搭960入屯門市廣場！

入到去姑媽佢o地已經飲完茶喇！

我同豬豬今日終於都見到大、細珠女喇！

細珠女大個o左好多，仲出緊牙仔添！

而大珠女就越黎越貪靚，仲學人著高踭涼鞋添，哈！

跟住姑丈就帶細珠女先返屋企，姑媽同我o地去買過大禮用品！

姑媽帶o左我o地去佢相熟o既參茸海味店買海味！

我o地買o左：

1.      冬菇

2.      元貝

3.      魷魚乾

4.      鮑片

5.      髮菜

個老細計平好多俾我o地，而最後姑媽仲幫我o地講個好意頭o既價呢，哈！

至於o個o的蓮子百合，姑媽話等佢到o個日幫我o地買！

因為魷魚乾係雪o既，所以都係等姑媽幫我o地去拎！

我o地只係拎返o個4樣o野返屋企，再等豬豬拎上女麻女麻道！

而果籃姑媽都話佢到o個日幫我o地買，因為佢同o的店熟o的，個價會平o的同新鮮o的！

至於椰子呀，雞呀之類呢，就會用利是代替！

餅就會用餅咭，但會聽媽媽講，佢指定一定要拎對龍鳳餅！

本來想一封包羅萬有就算嫁喇，但姑媽話點都要買少少先夠得體喎，因為到時我o的阿姨會黎，費事咁寒酸喎！

咁姑媽都講得o岩o既！

況且，之後o的海味同生果都係我o地自己o係屋企食返，無壞丫！

下個星期六就過大禮喇，開始感受到將要做人老婆o既緊張感覺喇！