家好月圓慶中秋

過完大禮同飲完茶後，就返荔景搵女麻女麻喇！

因為今晚係陳家中秋做節飯呢！

返到去，女麻女麻係咁講”又話過大禮，由9點幾出門口，去到成5點先返！”

“有咩理由去咁耐喎，等到我丫！”

跟住表姐同姑媽佢o地就話”都話叫埋你一齊去嫁啦，去o下熱鬧o下，同埋睇o下阿輝間屋丫o麻！”

之後女麻女麻逢見到人黎就講一次，我、豬豬同表姐佢o地不停係咁笑，話一定講到我o地結婚都仲講緊添呀，哈！

跟住佢o地教阿大珠女叫人同講多謝！

大珠女不嬲都叫我做姐姐，佢o地話表舅母送o左公仔俾你，你要多謝表舅母喎！

跟住大珠女周圍望，搵邊個係表舅母！

佢當時個表情係好搞笑嫁！

第一次俾人叫表舅母，個感覺原來係好開心嫁！

跟住等埋姑姐同伯娘就打牌lu，打到8點幾就搭的士去長沙灣酒樓富臨食飯！

今日開o左兩圍，米奇伯每圍都點o左成16個餸，食到我o地個個不知幾飽！

今晚食飯，仲每個親戚都問我o地係咪今日過大禮！

搞到我o地唔知點應佢o地好！

跟住姑媽就幫我o地再一次宣佈11月23號係輝記大日子，一定要到！

過埋今個中秋，下個中秋就會以陳家孫新抱身份出席lu！