驚天大發現

尋晚豬豬講o左個佢認為係重大發現o既o野我知！

就係 --------------- 我媽媽居然連續兩日都記得熄廚房抽氣扇喇！

點解係驚天大發現？！

事緣係搬o左去新屋都有成個月，用廚房最多o個個係媽媽！

咁當然會開燈、抽油煙機同抽氣扇啦！

呢一個月，媽媽都只係會記得熄燈同抽油煙機！

豬豬其實忍o左好耐無出聲，因為唔知點同媽媽講好！

所以，每晚豬豬例行公事就係 – check o下廚房有無熄抽氣扇！

佢尋晚做完例行公事之後，好開心咁同我講 – “你阿媽終於連續兩日都有熄抽氣扇喇！對佢黎講係一個不可能o既任務！真係一個驚天大發現呀！”

佢個衰仔丫，俾媽媽知道一定鬧佢o姐，哈！

不過，唔知媽媽呢個動作可以維持幾耐呢，哈！