拍拖6週年迪迪尼之旅(四)

談心談到7點半，花車終於都出現喇！

今次係以鬼詭做主題！

一出場先係阿Jack o既車！

跟住仲有太多，唔記得叫咩名喇！

o的演藝人員因為要保持陰險o既氣氛，所以係無表情嫁！

同下晝氣氛好唔同呢！

但因為我o地之前係咁影相，所以部相機無咩電！

影到最尾架車，部相機即時無電！

好彩最尾一架只係米奇同佢o的朋友仔架車o姐！

無咩特別，所以都唔太失望！

因為我o地仲有兩部電話可以影黎緊食完dinner o既煙花丫o麻！

不過美中不足係影唔到今晚餐晚餐囉！

以後出去玩都係帶兩部相機穩陣o的！

呢樣o野絶對唔會發生o係黎緊o既honeymoon度呢！

我o地8點睇完，即飛去Plaza Inn拎位！

好彩有book到咋，唔係就有排等喇！

我覺得豬豬今日安排好得呀！

入到去仲已經問我係咪Cast Member添！

因為個餐牌係唔同嫁o麻！

豬豬話個感覺好威喎，有人知！

哈，真係俾佢激死呀！

都係同午餐一樣，每位平50蚊，今次我o地無開茶添呀，又使少33蚊！

今餐埋單仲平過lunch添呢！

食到9點埋單就出去睇煙花喇！

其實對煙花，我同豬豬都無咩興趣嫁！

不過大家一齊睇住，感覺又真係幾浪漫嫁！

豬豬仲用手機去影o左movie添！

睇完煙花，就去拎我o地今日o既戰利品同作最後衝刺喇！