簽名筆完成喇

經過今日3個鐘o既努力，我同豬豬一齊整好晒10支簽名筆喇！

先睇o下o既材料先！不過係未包支筆o既主角嫁！

之後豬豬負責用絲帶包支筆，而我就負責做最後加工！

豬豬話個筆蓋唔包喇喎，，因為可以俾到人o地睇到支筆係咩顏色！

不過整完出黎好似爭少少o野咁o既！

呢o的就係我暫時整好o左o既簽名筆喇！

黑色2支，藍色3支，綠色2支同埋紫色3支！

或者遲o的會再modify o下嫁！

雖然唔係完美同埋無人o地整o個o的咁靚，但都叫做係我同豬豬一番心機黎嫁！

呢10款牛奶妹/牛奶仔，係豬豬好辛苦咁幫找搵返黎嫁！

決定用牛奶妹同牛奶仔，係因為想襯返我o地對結婚公仔呢！

因為我o地對結婚公仔係中式牛奶妹同牛奶仔o麻！

諗住咁樣一set 放o係reception 度，感覺會一致o的！

我又唔想用花花喎，初時想用公仔o既，但係搵唔到o岩size 可以用黎整簽名筆！

直至見到呢o的牛奶妹/牛奶仔手指公仔，覺得都幾o岩用，而且又可以襯返我同豬豬喎，所以就用o左佢o地做主角喇！

而婚禮完成之後，呢1套10個公仔，會放o係客廳個C字柜度做裝飾呢！