港九新界一天遊

今朝先去o左中環，下晝去o左屯門，夜晚就返藍田！

今日真係港九新界一天遊呀！

10點鐘出門口，8點返到屋企！

但今日我o地收獲好豐富呢！

先有過大禮用o既海味！

跟住上姑媽屋企送禮物俾大細珠女，同埋同佢o地玩o左一陣！

我o地o係姑媽屋企走o個陣，細珠女仲要我抱住佢，因為佢知我會帶佢出街呢，哈！

細珠女都好似大珠女咁，細細個見到豬豬就走都走唔切，唔肯俾佢抱！

今日豬豬幾經辛苦先抱到細珠女1分鐘咋！

而細珠女同大珠女就好痴我，細珠女成日要我抱佢！

我o地同佢o地玩完之後，就出發去屯門市中心行街lu！

今日豬豬收獲豐富呀！

買o左兩對皮鞋，一對for平時返工著，一對for結婚當日著！

夾埋都只係三百蚊咋，真係好抵！

因為工作o既關係，豬豬每三至四個月就要換一對皮鞋！

所以豬豬話唔值得使咁多錢去買對皮鞋喎！

今次呢兩對完全o岩晒豬豬要求呢！

我o地仲去o左睇對錶添！

睇中o左一對，價錢仲好抵添！

但由於仲未去過其他店格價，所以最後都係無買到！

若出面同屯門買都差唔多，就會o係九龍呢邊買，費事走黎走lu！

若爭成幾百蚊，當然會入屯門買啦！

之後就去吉之島超市lu！

我o地買o左好多即飲燉湯呢，呢隻牌子真係好夠味，最緊要係個價錢抵丫o麻！

仲買o左特價羊扒，油甘魚呢！

今晚豬豬又做大廚，煮佢都拿手o既o野呢，哈！

而我o地都買o左少少o野for聽日同媽媽o係屋企打邊爐呢！

諗起就好味喇，哈！

雖然今日港九新界去齊晒，但好開心呢！