過大禮吉日

今日係我過大禮o既日子！

但可惜我要返工呢！

不過咁仲好，橫掂我都要迴避嫁啦！

今朝8點9出門口，豬豬同我一齊出門口！

之後豬豬就搭車過荔景接姑媽佢o地！

我返到公司都唔使9點半，但豬豬要成9點半過後先去到女麻女麻屋企！

師傅話要9-11過大禮！

等到差唔多11點9，我打俾豬豬！

豬豬話個儀式已經完成o左lu！

實物有海味、果籃、西餅，其他用利是代替！

但叫豬豬幫我影相，佢係無做到嫁！

之後我仲聽到媽媽同姑媽佢o地傾得好開心添！

跟住準備1點放工，搭巴士返九龍灣會合佢o地，去阿姨做o個間酒樓度飲茶喇！

我o地由2點飲到4點半呢！

其間阿姨佢o地同姑媽都不知鬼咁好傾添！

之前仲驚佢o地無咩o野講嫁！

連豬豬都估唔到佢o地咁好傾添！

過完大禮lu，叫做已經踏入做人老婆o既一半階段！

咁都代表o左接住黎就係到周圍去炸人喇！

各方親朋好友，準備接旨啦，哈！