今朝返工唔想做o野，就睇返個婚禮開支表！
原來唔經唔覺，過去一年裡面已經用o左9萬幾喇！仲係未計酒席落訂條數嫁喎！
黎緊呢7個月，仲要使多幾萬！
估唔到我o地原來有咁多錢使嫁喎！哈！
若真係揀到樓，遲o的仲可能多筆裝修費添！雖然之前都有包裝修費落去，但之前只係預執o下宜家間屋o既牆身同天花，買大床、梳化同書檯！
計過若裝修一間新屋，個budget係130K！都仲可以afford到o既！
唔怪得o的人話最好結婚同買樓分開做啦！
不過，呢o的錢又使得幾開心嫁喎！
雖然係會辛苦o的，但搵得黎就使得去！
最重要係個結果出黎符合自己o麻！
好彩豬豬有我呢個咁精明o既老婆咋，唔係佢都唔知自已用o左幾多錢呀！
所以話呢， “你話你無o左我幫你記o野點算丫！”哈！
我話豬豬以後一出糧就俾晒我，等我每星期配給俾佢嫁！仲要打牌贏返黎o既全部都要上繳中央！哈！
晏o的要去酒店幫大表哥手，因為佢今日結婚呢！我負責做迎賓呢！
Haha.... 您真係精打細算既老婆, 我就好大頭蝦,一諗起要計數就頭痛!!
回覆刪除我平時o係公司計慣數o麻！
回覆刪除我同我嘅傻佬都洗腳唔抺腳，都唔知將來邊個可以管數！
回覆刪除你可過兩招嗎？
[版主回覆03/30/2008 12:19:00]其實無嫁，我同我男友都係o的對數字比較敏感o既人o姐！
慢慢黎，你遲o的一齊住，就會學識精打細算嫁喇！
啱嫁,男人d錢應該由老婆管嫁,支持你
回覆刪除[版主回覆03/30/2008 12:19:00]yeah！
其實可以o既話最好再預鬆少少。間屋唔淨止得疏化，床呢O的大件o野要俾錢，其他家庭用品，呢度幾百o個度幾百，仲要沉住頭o個兩三個禮拜都可能係咁，好得人驚
回覆刪除[版主回覆03/30/2008 12:26:00]多謝你o既提點先！
不過已經預鬆o左嫁喇！
我都用左好多錢...遲的又要裝修間屋都有少少擔心呀
回覆刪除[版主回覆03/30/2008 18:26:00]真係好似倒水咁，不過使得開心最緊要！
我都覺得駛錢唔係問題，都預左，但係要格下價，做多啲research，有啲野原來可以bargain到，但因為自己唔知而無問，咁就蝕底左lu...
回覆刪除我都尚在努力學習中，一齊加油!
[版主回覆03/30/2008 18:31:00]係呀，真係要去格價同bargain！
我過去一年都拎o左好多著數呢！
大家一齊努力呀！