阿妹有工返喇

今日阿妹去o左我公司見工，不過可惜我短週，唔係就可以陪佢，等佢無咁驚！

見佢o個個係人事部副經埋，即係尋日我問佢details o個位！

阿妹10點半先去到星光行，仲要唔識搵邊部lift上去！

我真係俾佢激死，又唔早o的去到喎！

不過，最後經我隔空教導，佢都去到！

由於馬術比賽要8月先有得做，所以人事部副經理就安排o左佢先去城大個canteen 度幫手！

佢今次唔使做廚房呀，樓面咁，係個優差 -- 做收銀！

我諗係因為阿妹識人o係公司做，佢費事佢咁辛苦，做收銀真係唔錯嫁！

不過每日埋數少o左一毫子都要自己貼呢！

我唯有叮囑阿妹要小心o的找錢俾人！

我諗人事部宜家安排佢落shop幫手，係想睇o下佢能力得唔得，話晒馬術比賽係重要項目，唔可以失禮公司嫁o麻！

所以，我諗佢宜家係試用期，表現好o既話就可以去馬術比賽場地幫手！

我當然想佢去到啦，因為可以俾佢見識到多o的丫o麻！

但，佢問都無問過我就同人簽o左約，仲要份約唔知講咩嫁喎！

等我星期一返公司再幫佢問清楚先！話晒佢仲係一個細路女o麻！

佢見完晒打俾我，係咁唔該前唔該後，話我介紹份工俾佢做！

我見佢成日話悶，又無錢使，咁見有機會咪叫佢試o下囉，請唔請我都唔知嫁！

人工高過佢之前做酒樓班地厘少少，不過可以自訂時間返工喎！唔使日日都要返！

希望佢做得黎啦！