等o左3個月，聽日終於都正式轉返過去non-food喇！
今日忙執位，不過由於今日比較忙，所以都係要5點先開始搬o的o野過返去！
搬o左我成個幾鐘呢！
我o係呢間公司只不過係短短2年，已經掉第5次位喇！
其實搬位真係好煩，要將o的o野pack箱先可以一次過搬晒過去！
話就話越搬越好，因為坐位o係公司代表o左地位同職位！
越後o既位，職位係越高！
我今次搬去一個又係比較隱秘o既位，即係話又係有無返工都係無咩人知o既！
哈！我都幾鐘意呢個位嫁！
不過，有伍生棵龍骨，睇黎我都要擺返個風水陣去邪一邪佢，事關個個俾伍生棵龍骨對住，實九死一生嫁！
不過好彩有袋仔頂住先，咁都無咁應！
伍生當我掉完位，佢話會移一移佢棵龍骨喎！聽住先啦，呢棵係佢命根黎嫁，擺晒風水嫁！
4月1日雖然係愚人節，但亦都係我轉返去o既大日子，起碼唔使日日俾契女麻坐o係隔離煩住先丫！
經過尋晚大表哥o既婚禮，總結得出可以改善o既地方如下：
1. 迎賓
要安排男及女家各2-3人坐reception，仲要做迎賓o個o的要識男/女家o既親戚朋友，咁樣可以減少點錯名o既機會
2. 點名名單
一定要記得帶，尋晚男家(即係4姨)o個邊唔記得帶預先整好o既點名冊，搞到要用手寫低
3. 相簿
可能唔係個個鐘意俾婚紗相人睇，但我覺得點都擺一、兩本出黎俾人入黎時睇o下，影得咁靚當然要分享o下俾人啦，同埋可以當做Reception o既裝飾
4. 紅/烈酒
若預得唔係太多，就叫侍應開席前唔好開咁多，最多2-3支就算，唔係到入席後會唔夠俾人飲
5. 安排入席
最好比預定開席時間早半個鐘叫人入席，因為一定會有人亂坐！最好人o地一黎簽名，就話俾人知佢應該坐邊檯，咁樣會減少o的人亂坐o既機會！
另外o的兄弟姐妹一定要幫手睇o下控制o的賓客！仲要識得執生，邊檯唔夠人就自動攝位坐！
6. 司儀
司儀要搵個口齒靈利，最好唔好痴利筋，尋晚個女司儀俾豬豬笑o左幾耐呀！
7. 遊戲
雖然之前係預o左咁多個遊戲，但都要睇住時間，若唔夠時間可以唔玩咁多個，唔使格硬一定要玩晒佢
8. 致詞
致詞唔可以太行，最好o係短短幾句就能夠令賓客感受到你o既誠意！
9. 進場
進場通常都會用花炮，但o的花炮最好用小型，唔使最大最響o個o的，因為放完之後個新娘新郎個頭同o的衫都會佈滿晒紙碎，會好難搞！
同埋進場唔可以行得太快，要有時間俾攝影師影相！
10. 新娘新郎應有態度
新娘或新郎唔可以只係掛住女家或男家親朋戚友，要對所有來賓態度一致！尋晚新娘成晚都望過男家o個邊o的人，even影相時想講句恭喜佢都唔望你，搞到我都唔敢上前同佢講兩句！
其實最好新娘新郎可以安排時間去每檯(除敬酒外)再一次多謝賓客，令賓客唔會覺得你忽視o左佢o地！或者可以o係尾段時間上台再一次多謝佢o地o既來臨！
11. 散席
搵定幾個兄弟姐妹先去執定o野，將所有衫同飲剩o既酒pack好！仲要同酒店/酒樓夾有無人幫手運o的o野上車！
12. 兄弟姐妹
兄弟姐妹唔好掛住自己玩，唔好等新娘新郎叫先識出黎幫手！因為新娘新郎當晚未必有時間照顧到每一位賓客，兄弟姐妹要幫佢o地招呼賓客！
呢o的係我o係大表哥度睇返黎可以改善o既地方，希望到我時能夠做好o的！
不過，都有值得學習o既地方o既：
1. 致詞
盡量講出平時唔敢講出口o既說話，盡可能感動到雙方父母同賓客！
2. 酒陣
表哥個酒陣排得好好，一入reception就好有氣勢！就算唔飲，齋睇都夠喇！
3. 控制氣氛
尋晚個氣氛好好，個個都玩得好high(尤其係我o地男家)！我都要諗o下點先可以搞到個氣氛好似尋晚咁先！
下個月20號到我二表哥結婚，等我又去偷o下師先！
我o地今日買o左3張抽獎券，已經中o左一張喇！
跟住再抽，再中埋第二張喎！
今次由我上台玩！
個遊戲係抽四個，再o係個箱度夾銀紙，多o個兩個就可以再夾！
我好咋呀，我入唔到圍呀！
跟住我o地成班老表，除o左阿妹同表姐無中之外，個個都有份上台玩！
今次真係幫阿姨拎返晒彩喇！
之後敬酒，兩個表弟同一個表哥係咁隊我同豬豬喎！佢o地都傻o既，今日都唔係我o地係主角，不過佢o地要玩，咪同佢o地玩囉！
點知佢o地咁唔掂，飲完兩杯vsop同紅酒，已經面都紅晒！
佢以為我唔識飲，係咁大我，咁我咪話同佢乾o左杯vsop囉！
阿表弟聽完驚一驚，但都要死頂嫁啦！
佢飲完就開始唔係幾得喇！
之後o的老表同我同豬豬講，”你o地都幾堅嫁喎，到你o地o個日我一定隊你！”
哈！當然啦，我同豬豬喎！你估流o既咩！
個個老表都話下次再玩就到你11月o個時喇喎！
我話唔係呀，係下個月姨媽個表哥o個餐呀！
其實我o地心裡有數，去姨媽個表哥o個餐，一定無玩得咁癲，因為姨媽都唔俾玩o既！
o的老表都好期待到11月我o個日，因為又可以好似尋日咁玩得咁開心喇！
大家可以再玩過！
Yeah！有班咁好玩同對我咁好o既表兄弟姐妹，真係我呢生o既福氣呢！
今日睇得出大表哥，4姨同4姨丈係好、好、好開心！
唔知，到我時會唔會都一樣咁難忘呢！
不過有我班老表&朋友，加埋豬豬班老表同朋友，相信o個日我o地都一定會有個難忘o既婚禮！
最後，祝大表哥同表嫂新婚快樂，年生貴子！
今日係大表哥o既大喜日子！
由於之前女家指明要去酒店擺酒，所以大表哥o係我o的阿姨o既幫忙之下，揀o左沙田麗豪酒店！
其實大表哥o係唔知12月定1月已經註o左冊，而家係補擺喜酒！
呢個大表哥，我由細同佢玩到大，宜家見到佢終於都肯定性娶老婆，都真係替佢開心！
我之前聽我都覺得有無搞錯，仲要所有租衫錢都係要我四姨出，連租裙褂都係！
今晚好難得我o地成班表兄弟姐妹(出席有7位)坐埋一齊(其實總共有9個，但有1個o係澳洲同埋下個月結婚，所以無黎！另一個我就唔知喇)！
其實我o地個個年紀都差唔多，話就話大表哥，其實佢都只係大我4年，我就排第6！
阿4姨叫o左豬豬去幫手做迎賓，所以豬豬今日都有同我一齊去！
講返今晚個wedding先！
我o地5點半去到酒店！
一去到，阿新娘已經入o左新娘房換衫化妝！我都無咩見過個新娘！
去到俾阿大表哥叫o左去做迎賓，不過都只係坐o左一陣，就去o左打牌lu！
今日好搞笑，豬豬居然見到公司同事喎！
我o地o係度等緊影相o既時候，有人叫豬豬喎！
原來係豬豬公司IT部manager！好彩個manger只係新娘o既朋友，唔係親戚o姐，唔係打埋算盤就叫親戚嫁喇！
估唔到咁樣都會撞到熟人o既！呢個世界真係細！
但今日入席o個時比較亂，o的人數o岩，但坐到亂晒，搞到成9點半先開席！
開席前例牌睇成長片段，之後就係進場喇！
今日大表哥致詞時，同阿4姨同4姨丈當住咁多人面，講”我愛你”！
我估唔到大表哥會講嫁！4姨同4姨丈聽完好開心，even我o地都覺得大表哥講得好好！
今日o既遊戲係夾銀紙！由係例牌入場俾$20買張抽獎券，之後抽中就可以去夾銀紙！
食到第二道菜就抽到我o地喇，我就派o左豬豬上台夾喇！
豬豬好厲害呀，一夾夾到$660呀！
阿4姨即刻過黎同我講話”回本喇、回本喇！”
豬豬夾完阿大姨媽幾唔開心呀，梗係啦，佢不嬲都睇唔起我，宜家豬豬幫媽媽拎晒彩喇！今朝返工唔想做o野，就睇返個婚禮開支表！
原來唔經唔覺，過去一年裡面已經用o左9萬幾喇！仲係未計酒席落訂條數嫁喎！
黎緊呢7個月，仲要使多幾萬！
估唔到我o地原來有咁多錢使嫁喎！哈！
若真係揀到樓，遲o的仲可能多筆裝修費添！雖然之前都有包裝修費落去，但之前只係預執o下宜家間屋o既牆身同天花，買大床、梳化同書檯！
計過若裝修一間新屋，個budget係130K！都仲可以afford到o既！
唔怪得o的人話最好結婚同買樓分開做啦！
不過，呢o的錢又使得幾開心嫁喎！
雖然係會辛苦o的，但搵得黎就使得去！
最重要係個結果出黎符合自己o麻！
好彩豬豬有我呢個咁精明o既老婆咋，唔係佢都唔知自已用o左幾多錢呀！
所以話呢， “你話你無o左我幫你記o野點算丫！”哈！
我話豬豬以後一出糧就俾晒我，等我每星期配給俾佢嫁！仲要打牌贏返黎o既全部都要上繳中央！哈！
晏o的要去酒店幫大表哥手，因為佢今日結婚呢！我負責做迎賓呢！
由於豬豬做wedding planner o既朋友女間公司下個月會有多一個人入股，所以叫我o地o係今個月內俾場地佈置o既deposit！
因為佢話多o左一個人，好多o野唔可以自己揸晒主意，尤其係價錢！
所以，今日就俾o左deposit喇！
我o地之前已經去過佢公司傾o左，佢有兩個場地佈置package！
宜家朋友價，收平o的o既package，做貴o的個package o既o野！
內容包括以下：
1. Stage backdrop with cloth & 4’ width banner
2. 2 pillars on stage with fresh flower
3. Cake table with cloth & fresh flower
4. Reception table with cloth
5. Accessories on reception table:
Ø Candle stand with candles
Ø Bird cage with fresh flower
Ø Vase with fresh flower
6. Photo strand decoration with fresh flower & cloth
不過，我仲會要求加埋汽球，入門口o既佈置！同埋table stand o既décor，進場兩旁加多3-4對花柱佈置！咁當然係唔係另加錢啦！
終於又搞掂一樣喇！5月就同老闆娘一齊去個場地了解一下，睇o下會以咩黎做主題！
搞埋呢樣，大件o野終於都confirm好晒，宜家只係爭o的濕碎o野咋！今日返到公司無耐，就俾公司媽媽叫o左去IT開會！
係傾ERP Item Master o既分類！
一傾就傾o左3個鐘！出返黎時已經係12點！
成朝都無做過o野！好彩有新阿頭一齊開咋，唔係同阿P小姐開，我諗到今日下晝3點都未開完呀！
成日講講o下又講o左去第二度，你估真係時間多咩！
返位時阿契女麻話好掛住我，因為要我幫佢做o野o麻！
由於仲要幫媽媽搞份Green Survey ，所以今日我無入到大埔廠去睇考HACCP嫁！
百幾樣o野未做，仲要走去睇，咁咪即係成日都無做過o野？！
雖然係無呢次機會，但仲有下次o麻！
又ERP，又中央產品Project(仲要係兩個)，又Green Survey，聽日仲要同internal auditor開會添！
真係死得！
不過，學公司媽媽話齋，能者多勞o麻！用具team又唔見咁忙，都唔明點解！
不過過得去就預o左，我一早有晒心理準備！
不過，今日開會時媽媽仲當住新阿頭話我幫o左佢好多添！
有人讚，幾辛苦都值得o既！
尋晚同朋友msn，佢問到我抽居屋個result！
因為豬豬唔俾我講，所以我都係同佢講返我之前o係blog度o既result！
呢個朋友女，佢上期用白表非核心抽o左居屋，佢揀o既係回購單位！
最搞笑係原來佢揀個單位同豬豬12月結婚個好朋友係同一幢！我朋友就高少少！
佢呢排係咁搞新居o既o野，之前裝修佢已經一肚氣，跟住到訂傢俬，又遇到黑店！
不過，佢都唔趕住入伙，話晒仲有成年先結婚，可以慢慢搞靚間屋！
跟住個問題黎喇！若我揀到樓，我要o係兩個月內搬離宜家間公屋！
你知啦，要搵裝修，咁裝修若人o地有期就話o姐，若無期咪要等！咁好快會過兩個月嫁喎！
若住多1個月，又要俾3倍租金，好似好唔抵咁！
所以，睇黎我都要鎖定幾間裝修連設計公司目標，咁到時若真係揀到都唔使咁煩丫o麻！
好就好在我好多電器都可以搬過去，咁又使少o的，唔使咁甘先！
原來未揀到樓都要做好多功課嫁喇！我仲諗住我已經sort out o左280個單位list出黎可以抖o下添！點知又係要做功課！份list我整o左好耐嫁喇！
宜家唯有得閒就開始物色o下o的裝修連設計公司啦！(若我放工仲未累死o既話！)
不過都係可做可不做，因為都唔知揀唔揀到丫o麻！
不過又驚到時真係揀到又拿手唔成世喎，真矛盾！
今日又俾阿契女麻女麻搞到我好忙！真係想死！
佢好長氣嫁，但又要聽喎，唉……….鬼叫佢係老人家咩！
一直忙到6點佢放工我先叫做有得抖o下咋！
我真係叫救命嫁，個個都叫我，手又得一對，邊做得切咁多o野喎！
今日差唔多放工時，Iris Shum打俾我，問我有無試過落shop考HACCP！
我話無呀，佢就話不如今個星期四同QA個同事一齊入去大埔廠，睇o下考HACCP o既過程，睇o下o的Auditor會問咩問題！
有呢o的機會一定去見識o下啦，咁對遲o的中央產品考HACCP同 ISO都了解多o的o麻！
今日公司媽媽細細聲同我講，你4月1號就轉返過黎坐喇喎！媽媽仲話會同聖母再傾o下喎！
媽媽對我真好，好照顧我呢！
仲有幾日咋，我就可以回歸non food 大家庭喇！
不過，都要過契女麻女麻o個關，因為若我轉返過去坐，佢就會同我好遠，佢又會鬼殺咁嘈嫁喇！今日係倒數240日，即係仲有8個月，等我黎個進度表先！
日期： 2008年11月23日
酒席地點： 德福美心皇宮 5時恭候 8時入席
註冊地點： 2in1 佳偶天成 3:30 p.m.註冊儀式開始
(9-10月到律師樓簽同意書)
婚紗相： 1. 珠海現代經典
2. 以馬內利 (5月中可以拎相)
3. 法國 (已book 4月11日影)
婚禮攝錄： Picasso Wedding (2p+1v) (7-8月整成長片段+夾Rundown)
化妝： Decor Square – Ashlee (全日) (7-8月再試妝)
會場佈置： Decor Square – Loretta (5-6月傾細節)
餅咭： 美心 (310張) + 奇華 (32張)
紅酒： Decor Square – 智利 + 澳洲紅酒 (60支)
烈酒： Whiskey (10支)
甜洒： 南非非洲豹甜酒 (9支)
小禮物： 總之就係好o野啦！
婚紗晚裝： 盈集坊 (1拖尾wg + 3 eg) (8月尾final confirm衫款)
新郎禮服： 君悅禮服軒 – 1黑1白 (10月頭試身)
裙褂馬褂： 錦發 (1千禧中五福頭褂 + 1馬褂) (10月頭試身)
晚裝鞋： 金色3吋高踭鞋
花車： 棗紅色賓利 + 28座Van (9-10月再confirm用車時間)
結婚戒指： PN + 點睛品?! (5-6月可以收到)
請帖： 心印 (7-8月去confirm內容)
觀禮咭： 埋首中 (7-8月會有最後定案)
婚禮雜項： 廣州購買 (預計5．1勞動節去，若禽流感控制到的話)
花球： 2個絲花球 (伴娘幫我諗)
姐妹衫： 傾城婚禮 (伴娘長裙+其他短裙)
車頭公仔： 中式牛奶妹+牛奶仔
Girdle： 私人胸間 (8月底前confirm使唔使修改)
婚前檢查： 婚後才做
過大禮： 2008年9月18日 (8月底-9月初預備)
上頭時間： 2008年11月22日 女：11:00-12:00 男：11:00-12:00
Rundown： 已draft好，有待豬豬最後審核 (最遲10月尾final)
Table Menu： 未開始諗點設計 (7-8月final款式)
宴客名單： 女家已齊，欠男家 (9-10月confirm最後名單)
成長片段： 歌已揀好，未執好o的相 (7-8月去Picasso搞埋佢)
婚宴歌曲： 已有一大堆，但未confirm (9-10月final decision)
結婚蛋糕： 酒樓送8磅蛋糕 (10-11月初confirm 款式)
菜單： 未定 (7-9月同伍生去寫)
換新銀紙： 多少未定 (7-8月去銀行唱錢)
居住事宜： 等信通知幾時揀樓 (不過點都係5-7月裝修舊居/新居)
美容纖體： 要開始keep fit，最想減係手臂
兄弟姐妹開會：未定 (由6月開始，每月一次)
計o下計o下，好似所有o野都迫晒o係7-10月先可以做到，o個時實忙死！7-10月公司先最、最、最多o野做添嫁！真係攞命嫁喎！今次想唔瘦都幾難喇！
今日係倒數240日，亦都係今次旅程o既最後一日！
我o地今日o既行程 -- 橫琴食蠔+澳門賭場遊！
今日8點半起身，10點半去check out！
我o地都成9點先叫周生佢o地起身嫁喇！俾佢o地訓到半個鐘！
Check out 完就搭的士過橫琴喇！
個的士司機好好呀，佢肯車我o地去！上次幾架都唔肯去呀，嫌空車出返黎！
我o地去到時差唔多11點半！
橫琴蠔生態園改變o左好多，比起上次(上年9月)去時多o左個大廳！
不過個木穚封o左，無得出去影相lu！好彩我o地之前兩次都有影o姐！哈！
今次都係叫o左燒蠔(每人2隻)，yummy，我o既致愛！仲有炸生蠔，蠔憫鵝，芝士焗生蠔(每人1隻)，葱油餅同貴妃餅！
今餐4個人都係200幾咋！
連周生佢o地都話好正添呀！
食飽就搭返車去橫琴關！周生佢都係第一次o係呢個關口過關咋！
過到澳門第一時間去威尼斯人！
o個度無想像之中咁靚囉！好一般！
不過，我居然見到有Milka朱古力喎！
咁我當然係去買啦！雖然貴o左少少，但有隻印有自己名o既牛牛公仔同個背包嫁！
我o地去布吉時，duty free shop都無呢種買呀，係道見到真係好開心！
我o地o係威尼斯人仲影o左大合照添！哈！
去完威尼斯人，就去氹仔官也街買手信！
我o地今次只係買o左1磅辣豬仔肉同春卷仔！因為買得太多會食唔晒呢！
我o地仲去o左食豬扒飽同葡達添！yummy！
食飽下午茶就出返碼頭買船飛喇！
嘩！今日起多人囉！不過我o地5點半先去到！最早一班普通位都要2點9先有！
經商量後，周生佢o地都決定同我o地一齊搭朝早4點半班船返香港！
買完船飛就去大三巴o個邊行o下！我o地去o左新葡京參觀先！
跟住去o左摩卡玩大細！我o地win唔到，不過都無輸到！打和離場！
跟住埋o左近美高梅o既公雞食葡國菜！
食飽之後去漁人碼頭巴比倫玩o左2個鐘！
總結戰果，我同豬豬保本離場，而周生佢o地就win o左1千！扣埋佢o地早兩日輸200，實win 800！
周生好旺呀，不過可能個21點庄好弱啦！
玩完差唔到半夜1點半！我o地之後去近回力o既地方打保齡同打桌球！
因為咁樣可以消磨多o的時間o麻！
打到3點9，就埋單走人去碼頭lu！
點知佢有4點船，仲可以搭到喎！
我o地5點就已經返到香港，但因為未有地鐵，我o地去o左信德starbuck出面o既梳化訓覺！
哈！咁又訓多1個鐘lu！
訓到6點，就去搭頭班地鐵返屋企lu！
總結3日半行程，係超累，但超好玩，可能因為有周生同Yuki同行，令到我o地o既晚間節目豐富o左！
今次已經係第二次同周生女朋友去旅行喇！感覺好熟呢！
佢o地打波時我o地仲傾o左密計添！
不過，我今次有旅行後遺症，就係.................生唇瘡喇！
我次次去完旅行都一定會生，可能因為時間顛倒掛！
我又要用旅行必備 -- 唇瘡膏喇！
今次旅行好開心，好好玩！
出完發返黎，都仲興奮呢！
第二日o既行程 – 御溫泉！
不過周生兩位團友無去呀，得我同豬豬去咋！
我o地7點半起身，跟住先落酒店度食早餐，因為個早餐9點半就完，所以9點就落去食lu！
但o的o野食呢，真係唔係好得！
不過粗粗o地食住先，入到去先再食好o野！
食埋早餐10點出發！
我之前上網見到係去香洲站搭車，咁就搭的士過去喇！
好彩，資料正確！
我o地上o左架609號公車，車程個半鐘！
個半鐘可以接受o既，搭專車都係1個鐘，我宜家都係多半個鐘之o麻！
車資好抵，只係要RMB8一個人咋！
搭搭o下車，豬豬突然之間問我，”我條泳褲呢？”
o下，佢執o野嫁喎！原來佢幫我拎完件泳衣，自己條泳褲就放o左o係梳化道，唔記得拎！
哈！佢仲要係搭車先知喎！好彩，溫泉有免費泳褲o既o姐！佢加多條底底就無問題！
入到去大約12點，就週圍參觀o下喇！
我o地去o左間叫御滿食坊食lunch！
今餐有泥煨雞、沙鍋魚頭煲同天麻豬肚燉老鴨！
第一次食咁好味o既泥煨雞咋！上次同豬豬班fd去珠海食o個個，跟本就唔係泥煨雞，今次終於都食到正宗o既泥煨雞喇！真係好好味嫁！
其他兩個餸都好好味，今餐好飽飽！
食飽飽就去浸溫泉喇！
我o地入到o個時係2點，換埋泳衣就大約3點開始浸喇！
呢度唔算好大，仲細過中藥谷少少！不過都好多個泉！
我o地去o左叫光波浴o既地方，係用紅外線焗你10分鐘！
嘩！焗完成個人好散，不過好舒服！
好似排o左毒咁，好正！
浸到5點倒，就去沖涼換衫lu，因為要返珠海市區join周生佢o地食dinner！
我o地又去搭609返去，返到去就大約7點半倒啦！
點知周生佢o地仲未o係澳門過到拱北闗返黎，我o地等到成8點半呀！
不過，我o地當然唔係就咁等啦！我o地去o左步行街！
我買o左4件衫，豬豬都買o左1條褲同1件衫呢！
豬豬仲話若周生唔係8點半黎到，佢會破產喎！哈！
今晚去o左”毛家飯店”食dinner！係毛主席o既後人開嫁！
呢間係食湘菜，o岩晒我o地三個，不過就難為周生女朋友喇！要頂住辣黎食！
周生果然無介紹錯喎！
食飽飽就返酒店！不過返酒店之前，去o左7仔買o左半打大支裝海珠啤酒，因為食o野時無飲，咁為o左解渴，所以就買返酒店飲喇！
大家沖完涼之後，大約12點半周生佢o地就過黎我o地房喇！
我o地今日用啤牌玩o左好多o野！咁當然係輸o左o個個飲啦！
大家飲o既份量都差唔多，無話有一個飲得特別多！因為大家都渴丫o麻！哈！咁咪特登輸囉！
最後剩返一支o個時，大家都話早知買多兩支啦，因為好似唔夠喉咁！
我o地咁樣玩玩o下，都玩到成4點幾呀！
最後臨散band時，豬豬同團友講，聽日要8點起身喎！
佢o地兩個傻o左咁！豬豬特登嫁，特登等大家飲完，好累之後先講話聽日要好早出發！
不過，去旅行，無所謂啦！
聽日o既行程會仲好玩呢！因為有我最鐘意食o既燒蠔呀！
今日出發喇！
學blog友仔話齋，真係未出發，先興奮！因為有Kinder出奇蛋呢！
今朝7點起身，之後媽媽整早餐過我同豬豬食！食完裝身8點3就出門口lu！
去到碼頭都只不過係9點，仲有時間去行個圈！
我o地搵唔到o個間o係中港城新開o既證婚場地呀，都唔知o係邊o既！都無指示，又無水牌！
準時9點半開船！
上船同豬豬玩o左一陣十三章就去訓覺lu！一訓醒就到o左珠海喇！
由於周生佢o地搭遲我o地半個鐘船，所以我o地唔等佢就自己去o左酒店check in先喇！
上到酒店等o左大約9個字倒啦，周生就o係隔望房打過黎，話佢已經到o左！時間大約係11點半倒！
呢個旅行團就正式開始出發喇！
我o地首站去o左得月舫食lunch！
um..........都係叫小菜好味o的，今次食點心無上次叫小菜咁好味！但都不過不失o既！
食完見好飽，咁我o地就唔去搭的士，而選擇行過去第一個景點 – 石景山公園！
嘩！行o左成個鐘呀！仲要行錯路添！不過由於天氣唔熱，所以都唔算太累o既！
去到石景山，我o地買o左門票上山頂！
影o左都幾多相嫁！之後就玩滑道落山喇！
今次好玩過上次！因為快好多呢！不過都係唔夠快，但都已經好開心喇！
玩完滑道就去玩高卡車！
個職員都傻嫁！俾架咁快o既車我，我情願要返上次o個o的舊車，可以玩得放o的！呢架一加油就去得好快，搞到我要就住玩！
豬豬仲話做咩我今次咁慢喎！梗係啦，我都控制唔到架車！
期間發生o左意外，我同豬豬炒車呀！仲撞到隻腳瘀o左添呀！
不過，雖然受傷，但都係咁好玩嫁！
玩完時間大約4點半，我o地就去拱北行陣街喇！
我睇中o左兩對鞋呀！不過………..係無我碼嫁！
所以最終都係無買到！周生女朋友都買唔到，因為又係無佢碼呢！
唉！我都唔明，我次次見親鐘意o的o野，一係就無碼，一係就無新o既，搞到我成日都買唔到！
我o地見時間尚早，就去o左上次我同豬豬去過間波樓道打波喇！
我都有打幾Q嫁！不過唔入之o麻！
好搞笑，阿周生係用個藍波黎打個黃波嫁！哈！佢仲要打完先知自己用錯波黎打喎！又跳波喎！影響到豬豬都失晒水準添！場面異常搞笑！
打到9點倒，就去食dinner！我o地今次去o左味千旗下o既味牛食燒肉！
因為佢o地三個都無食過呢！我之前就同飛飛佢o地去盛八食過！
呢度抵過盛八好多、好多！四個人食到好飽，都只不過係300蚊咋！我諗o係盛八食要成800幾900囉，都未必有咁飽呀！
呢間燒肉店都好好味！同盛八差唔多，唔怪之得我o地要等成4個字先有位啦！
食飽飽都成11點半喇！
跟住o既節目係去按摩！去o左酒店o個間古法按摩中心度試o下！
Um………按我同豬豬o個兩個技師都唔錯，我同豬豬都覺得好舒服！起碼舒服過o係深圳按先！
按完摩(都係1點幾)，今日o既行程告一段落，聽日仲有好節目！哈！
