新居進度 – Day 21

今日又上o左新屋！

經過尋日單咁搞笑o既事件後，今日有師傅開工！

上到去，有個師傅仔批緊牆！

呢次係第三次批燙，批埋今次再鏟平，就可以開始舖牆紙同油油喇！

媽媽又係例牌只係睇佢間房，其餘咩都無望到，哈！

睇黎佢好緊張佢間房咁喎！

而廁所個鋁天花已經整好，但個筒燈未上電！

今日天氣咁好，睇黎今日批完，聽日就乾喇！

咁我今個星期尾再上去睇就可以見到舖好o既牆紙喇！

好心急想睇個效果呢！

今個week係第3個week喇！進度都好快！

如無意外，第4個week尾就可以收番間屋喇！

蔡師傅果然快手喎！

不過佢之前話係3星期交貨嫁，哈！

無辦法，因為之前打風，又落雨，批牆未乾又唔可以做下一步！

但仲有時間，我都唔急叫佢交貨o既，只要7月中可以交到就ok嫁喇！