新居進度 – Day 24

最後一part窗簾終於都有著落！

因為豬豬無同未來奶奶住，所以宜家未來奶奶做緊咩都唔知！

尋日豬豬打俾未來奶奶，居然有個好消息！

我o地買樓件事話o左俾未來奶奶知！

原來未來奶奶宜家做緊窗簾o既工作，仲成日上去幫人度尺做簾！

未來奶奶仲話送俾我o地做禮物添！

哈，本來都諗住返大陸做，點知宜家唔使走上走落添！

真係好！

會約未來奶奶星期日上新屋睇o下，順便度埋尺！

咁即係話我o地入伙前就真係可以成間屋o既o野都搞掂！

本來都擔心因為無咩時間，驚要入o左伙先有時間返大陸整到窗簾添！

宜家唔使擔心lu！

呢個消息真係非常之合時呢，哈！

尋日豬豬打過俾蔡師傅，佢話應該下星期可以搞掂埋o的手尾喎！

因為呢個星期已經噴門，同舖牆紙&油油，咁下個星期只係再執o下o的浴屏、廚房抽氣扇咁！

而Clipsal電制聽日豬豬會打去俾阿明哥，叫佢幫我o地訂！

咁之後叫佢黎裝燈時再俾埋錢就ok喇！

預計約強表哥12或13號黎幫我o地裝電制！

今個月開始進入大直路喇，好多o野都明朗化喇！

距離我o地入伙之期不遠已，哈！