新居入伙倒數14日

今日終於都去o左睇舖好牆紙o既新居喇！

入到去真係喚然一新！

個飯廳o個邊用o左銀底白花牆紙，所以顯得好光猛！

而客廳o個邊就用o左灰底藍花牆紙，同飯廳有好強烈o既對比！

但客廳幅牆紙有o的問題，要搵蔡師傅執執佢！

天花o既puzzle牆紙！

跟住未來奶奶就上黎喇！

佢幫我o地度尺做窗簾！

兩間房用捲簾，廳用手拉簾，入門口對o住o個隻窗就用百葉簾！

全部都係未來奶奶送o既，應該下個星期尾倒會有！

之後未來奶奶約o左人，咁我，豬豬同我媽媽就去o左樓下飲下午茶喇！

飲到4點半就返上樓，因為約o左裝燈！

o的水晶燈好靚，客廳用星星、月亮、太陽水晶燈，飯廳用6頭，每頭有10粒大水晶環繞住o既水晶燈！

走廊壁燈亦都係水晶燈，真係好似o的街燈咁！

我o地房係長方型有心心圖案o既燈！

等o的裝燈師傅整完，強表哥就幫我o地換電制喇！

總共換o左14個，但唯一一個灰色o既電制有問題，所以要拎返去同明哥換！

強表哥話下個星期我o地搬屋再黎幫我o地換過，因為佢都要幫手裝媽媽房燈！

其實一路都無開過條燈糟，因為無制！

強表哥幫我o地裝完就當然要睇o下個效果啦！

嘩，真係好靚嫁！同埋只係開光管o個part都好夠光喇！

搞到8點半就走lu，返去黃大仙八喜食飯！

咁o岩阿妹又放工，所以就一齊食喇！

今餐飯食得好開心呢，大家講返阿妹細個o的瘀o野，都不知幾好笑！

食到10點半就走人，陪埋佢o地等車，返到屋企都成11點lu！

唉……………係勁累囉！

不過見到間屋咁靚靚，累都值得o既！