男主人，我未來老公

由於聽日3姨放假，所以我o地阿姨又上o左黎打牌！

唉…..上星期六入伙之後，已經係第二次喇！

出聲話又唔係，唔出聲我同豬豬又頂唔順！

其實唔係唔想佢o地上黎，只係我o地仲未執好間屋，唔想佢o地上黎住o姐！

我個姐妹話上黎我都唔俾啦，因為唔想失禮o麻！

都唔知媽媽諗咩o既，自己未執好都係咁叫人上黎！

話晒間屋都係我同豬豬嫁o麻，係咪要問過我o地先呢？！

今晚餐飯係3姨買餸o既，同埋負責煮！

佢o地一路打俾，一路等間屋o既男主人，我未來老公返黎食飯！

呢句係我4姨講o既！

哈，佢o地都認同豬豬係男主人呢！

7點倒豬豬就返o左黎喇，而3姨亦都開始煮餸！

若7點半開始有飯食！

食完當然我同豬豬執o野啦，仲有洗碗添！

宜家呢個先叫廚房嫁o麻，以前我同豬豬一齊入去個廚房已經覺得好迫！

宜家再企多個都仲好闊落添呀！

以後洗碗就有人陪喇，哈！

而3個阿姨同姨媽就繼續打牌，我同豬豬都要準備去沖涼，因為聽日我o地兩個都要返工呢！