童年相(豬豬篇)

今日長週，放工有好重要o既任務做！

就係去豬豬屋企拎返o的童年相喇！

因為豬豬同我住，佢好少返屋企！

返去之前同埋其中一個姐妹去o左金鳳食牛扒！

好耐無食過呢，不過次次食都係咁好味o既！

去到因為未來老爺換o左大門，所以豬豬無鎖匙！

好彩未來老爺返夜o係屋企！

原來豬豬細個都有好多相嫁！

不過最搞笑係我仲唔到有個時期豬豬係咁肥嫁囉！

睇到真係笑死我，我話一定要放o係個段相中，咁先有氣氛！

我諗全場識豬豬o既人都會笑爆囉！

我o地拎o左成廿幾三十本返我屋企，因為要慢慢拎相o麻！

希望可以o係今個月內揀到晒所有相啦，咁就可以去整片頭喇！

一路睇豬豬o的相，就覺得我o地有o的細個相個post同環境好似！

豬豬仲話要搞搞佢，兩張拍埋先夠似喎！