Honeymoon 計劃 (三)

尋日豬豬好叻叻呀，仲好勤力添！

原來佢尋日唔單只去o左見客，去o左明哥度落單，上o左新屋，仲做多o左一樣o野！

就係去問honeymoon機票喇！

宜家用掌紋鎖定一係QF，一係KL，一係BA！

但大多數都會係BA，因為去到係當地朝早11點，而其他就去到已經夜晚8點！

同埋BA轉機唔使等咁耐，只係等1個鐘就可以轉到機！

價錢雖然係BA最貴，但都係貴二百幾蚊o姐，就豪俾佢！

個sales話出年1-3月都會係呢個價！

但我同豬豬都驚佢遲o的因為新年會加價，都係8-9月去訂o左先比較穩陣！

咁訂o左就唔怕佢加機票價，只係個tax同燃油附加費係flexible！

豬豬問仲使唔使去o的細行問o下！

我話唔使喇，萬一佢收晒錢執o左咁點算！

去東南亞就話o姐，蝕都係兩個夾埋唔over 4千！若今次細行執，我o地會唔見成皮幾喎！

都係呢間比較穩陣o的，可靠o的！

好喇，機票已經有o左決定，宜家係爭個出發同回程日期！

呢個會o係呢兩個月內決定到！

因為仲考慮緊去14日定15日好！