熟習環境

今日上完新屋，去o左匯景同埋啟田，因為要熟習o下新環境！

我o地先去匯景！

有我同豬豬好鐘意食o既撈撈，仲要係1蚊包，真係勁抵食！

本來想買對鞋，但無我碼，唯有放棄！

但我都買o左件靚靚衫，試完連豬豬都話我好青春，哈！

跟住行去啟田，因為要搵o下睇o下有無街市！

個街市好多o野賣嫁，連砵仔糕都有！

我最concern o既係有無海鮮買！

因為呢個對我咁鐘意打邊爐黎講，係好重要嫁！

呢度有好多檔賣海鮮，個價錢都好平！

咁我第時打邊爐就可以去呢度買o野喇！

仲有一個街市會開，開o左就會多個選擇喇，真好！

之後我o地去o左冒險樂園！

我話好鐘意彩虹池個綠色獎 – 一扎似豬豬求婚時扎花o既布花！

豬豬真係拋到個綠色俾我呀，開心死喇！

其實我話要咩豬豬都會玩到俾我，豬豬真係好叻叻呀！

好似之前嘉年華，豬豬一日內拎o左4個大公仔俾我，仲要有個我恨o左成十年o既有我半個人咁高o既熊bear bear公仔！

拎到呢隻公仔真係好開心嫁！

呢隻公仔第時會擺o係個客廳度！

連媽媽都話你想要咩佢都真係會玩到嫁喎！

當然啦，呢個係我好老公喎，哈！

之後去吉之島買o野返屋企煮lu！

不過都去埋新屋樓下間百佳先！

呢間百佳超級廣場，仲大過我宜家屋企樓下o個間！

有好多餸賣嫁，咁媽媽就可以好似以前咁去百佳買餸喇！

我仲同豬豬講，呢度好似我o地宜家o個度，又係一落樓下就有百佳，附近有吉之島！

不過呢度仲有埋個有海鮮賣o既街市，方便過宜家呢度！

真係越黎越鐘意新屋o既環境！

經過今日半day之行，我已經熟晒周圍環境喇！

好期待快o的入去住呀！