生日禮物to媽媽(外母)

聽日就係我媽媽，豬豬外母農曆生日，我同豬豬o係新年前已經預備o左份生日禮物俾媽媽！

媽媽之前行行o下街，話好鐘意隻八達通手錶，一來佢覺得靚，二來又可以當八達通用，唔使成日要磨袋拍咭喎！

咁之前問o左佢鐘意咩款，同豬豬行街見有就買定先，費事好似上次咁，想要o個款賣晒，搞到媽媽唔開心！

今次我o地買o左唔俾媽媽知，剩係話聽晚同佢出街食飯！我仲話請你食o左飯就無禮物嫁喇！

而豬豬為怕佢自己唔記得媽媽生日，仲o係部手機度send o左備註，提醒佢自己”外母生日”！

希望聽日媽媽會滿意我同豬豬俾佢o既開心、難忘o既生日啦！