拜年

今日好忙呀！

首先去o左豬豬婆婆屋企食lunch，第一次見末來奶奶，比我想像中無咁難相處，不過係講o野有時惡少少咁囉！

阿公阿婆都無咩o野，阿公仲好健談o既添！

食完lunch就過去荔景女麻女麻屋企，我o地係繼大表姐之後，最早到o既孫！

等埋豆豆黎，就夠4隻腳開檯喇！

打打o下未來老爺又話要打，咁細佬咪俾老來老爺打囉！

未來老爺好掂，細佬初時輸百幾蚊，老爺坐落之後就倒win 二百幾！

跟住豬豬話我要坐佢隔離旺一旺佢，點知我一坐o係佢隔離，仲連帶旺埋老爺，4圈都係得豬豬同老爺食咁滯！

所以，又一次證明我係旺豬豬o既，連豬豬自己都係咁講嫁！

不過食完飯之後，我開始眼訓，所以旺唔到豬豬同老爺，所以打完4圈我就叫豬豬走喇！再打落去再輸多o的！

輸唔係一個問題，係條氣唔順丫o麻！阿豆豆以為自己好叻打牌，俾佢倒win返條氣好唔順嫁o麻！咪食完飯打埋4圈咪唔打囉！

今日逗o左18封利是，係一個好開始！仲陸續有黎呢！

18好意頭呀！今年一定發嫁喇！哈！