豬豬朋友結婚

今日係豬豬IVE同學 – Vicky 結婚大日子！佢o地下晝行教堂，夜晚o係九龍灣皇廷酒家擺酒！

我下晝同豬豬去教堂觀禮，夜晚就當然唔去飲啦，要做人情嫁o麻！

我2點就去到教堂，但豬豬因為要等埋我o地個伴郎，所以要我等o左佢o地成4個字呀！

2點半婚禮開始，先由牧師主禮，再講完一輪，先到宣讀誓詞，交換戒指同簽字！

成個婚禮1個鐘倒啦！

不過，唔知點解，可能無咩人黎觀禮，所以感覺上無咁熱鬧，因為個場太大！

到致謝詞時，新郎講完，俾個咪新娘，新娘可能好緊張，所以無講到！

見到新娘子好緊張，就會諗，唔知到我o個日會唔會都係咁呢？！

之後就搭車返黃大仙食lunch(o個時都成4點幾)，之後我無陪豬豬同我o地o既伴郎去打波，就返o左屋企lu！

梗係啦，兩隻o野訓到成12點，我就7點要起身返工，佢o地梗係唔累啦！

我都無佢o地咁好氣，當然係返屋企搵我張床啦！