吉之島掃貨

買完羽絨，去完2 in 1 睇場，跟住下一站就係去樂富吉之島！

我o地首先去o左睇烈酒先，究竟買VSOP定係名仕好呢？

不過都係for 婚宴用o姐，諗o下其實係咪可以唔使俾多每支$50買名仕呢！都係今晚再諗o下聽日先再去買過！

跟住去o左睇福祿壽套餐，不過可惜豬豬唔記得度o下個柜擺唔擺得落陪32"LCD電視，所以又係要今晚返去度o下，聽日先可以決定買！

跟住就去超級市場喇，嘩，超多人呀！

我o地今日買o左好多o野呀！

有我最鐘意o既鱈場蟹腳，大大虎蝦，仲買o左支葡萄牙玫瑰酒！咁當然就仲有今晚打邊爐食o既o野啦！仲有入o左o的杯麵同湯做存貨呢！

買到差唔多7點就埋單走人lu！又可以返屋企開大餐lu！

返到屋企再度埋個柜夠唔夠位放部32” LCD電視，果然夠位喎！咁聽日就一於去買啦！福祿壽套餐就要：

福 – Panasonic 32” LCD電視

祿 – Casio 720萬像數相機 (因為之前用開o個部開始壞喇，其實一早都想買呢部，咁o岩呢個餐有呢部機喎，咁當然係揀呢樣啦！)

壽 – Kenwood 焗爐 (因為宜家屋企用緊個焗爐唔夠大，想整好多o野都唔得，咁o岩呢部焗爐o岩晒我o地要求喎！)

今日真係超開心呢！

媽媽見到件羽絨仲好開心添！話好暖，好鐘意呢！

不過，聽日去買福祿壽之前要先出金都先，因為要落訂租男禮，因為過年後會加每套$100！

明知佢會加價仲唔快o的去落訂咩！

聽日行程都好緊密，我仲打算去剪乖乖Miao頭添，但豬豬話已經加o左價，不如過完1月先去剪喎！

咁我咪無得用乖乖Miao頭去拜年囉，我唔制！

不過諗落又真係好似好趕咁，聽日都係睇時間先決定去唔去剪頭髮！

做o左其他兩樣正經o野緊要o的！