每日放工我都會睇都市日報，因為朝早同豬豬一齊返工，所以係放工先得閒睇！
今日有編名為"婚嫁(禮金) 女方平均要價4萬5千"
禮金係男女分岐最大o既一項，女方預算高男方15%。
呢個唔知係女方家長定女方自己o既意見喇！
我好好彩，由開始到宜家，講到禮金問題，我媽媽只係講句"知你o地搞結婚已經要用好多錢，你o地俾到幾多就幾多啦！"
關於酒席人情問題，媽媽就會答"我唔要你o地o的酒席，人情歸你o地用黎找數，你只係俾100張西餅咭我派俾o的老師，話俾人知我嫁女就得喇！"
咁樣我o地會輕鬆o的，需然媽媽口係咁講，但我同豬豬都會盡我o地能力，俾合理o既禮金！
我o地唔想用家人o既錢去搞我o地o既婚禮，我同豬豬都認為，個婚禮係報答雙方家長o既好時機！
總觀編報導話男女意見好大分岐，但at this moment，我同豬豬使錢o既態度都意見一致！
我o地好少為o左籌備結婚o既o野而嘈，嘈親都係因為我發小姐脾氣，要佢tum我o姐！哈！
眼見好多女性朋友，都因為屋企要禮金o既數目，要o既酒席圍數同人情，搞到同屋企人嘈到好唔開心！
其實媽咪都想個女嫁得好好睇睇，咁當然係自己要有face啦！但父母其實係咪應該體諒o下呢！宜家唔係賣女o麻！
睇到呢o的case，我覺得我好幸福，有個咁體諒我，咁錫我o既媽媽！
我媽媽都好好!! 佢同您媽媽答案差不多..... 都話你地話啦, 佢唔知幾多,又唔你賣女 .
回覆刪除所以我地都有個好媽媽. 真係幸福呀
[版主回覆02/23/2008 07:30:00]無錯，搞結婚應該開心嫁o麻，無謂搞到家嘈屋閉丫！
我o地將來一定會仲幸福，因為多o左個錫我o地o既老公！
你媽媽真係好好，好鍚你~
回覆刪除[版主回覆02/23/2008 16:59:00]相信你媽媽都係一樣咁錫你！
我媽媽都係呀，佢過禮金方面隨意得囉wo，仲話唔俾都得架，俾左都係拎去買金器俾我做嫁妝.....咁樣我地就真係無咩壓力，但我都會盡力，俾反個合理既禮金。
回覆刪除天下媽媽一樣好!~
[版主回覆02/23/2008 16:58:00]Yeah，世上只有媽媽好，我o地像個寶！
我媽咪話如果我想要多d金器就俾多d. 雖然口講知我地無咩錢, 而且酒席係奶奶先出既, 我地既人情要俾晒佢(我計過佢會有賺架), 所以唔會要求我地俾好多, 但我知佢心底其實想我地俾多d, 因為由細到大佢俾我地既感覺係佢係賣女個種. 前排, 呢個報導都未出街, 佢同我講咗個公價禮金, 仲有10圍酒&餅咭 我都唔寄望佢會俾番d人情我地啦
回覆刪除你媽媽真係唔話得，好鍚你呀~
回覆刪除其實我媽咪都鍚我架, (我知), 但係錢對佢來說都一樣重要! 佢話唔可能比番 D人情我用黎找數, 唉......我都 no say 架啦!
[版主回覆06/19/2008 07:11:00]佢得我一個女，當然錫到我燶啦！
不過，我都好興幸我媽媽睇個錢唔算好大，因為佢知成個wedding o的錢都係我同我男友出！