HACCP & ISO

今日我組爸爸同我講，話nominate我去上HACCP同ISO！

因為我將會係其中一個中央產品team member，而廠房又會行ISO22000，所以我係一個合適人選去上呢個course！

Maria都批准o左，我黎緊2月18-20要上第一個course，28號上第二個，最後一個course就係3月4-7日！

不過我組媽媽就想阿Cliff同Ming Ming都去學o下！唔知我係咪要上晒3個，不過有得上到1個我都好開心嫁喇！

估唔到我一轉team就可以學到o的新o野！

o係呢度機會真係處處都有，只要肯捱，唔怕蝕抵，就機會就多的是！

其實之前我都想去上HACCP同ISO o既course，不過過去一年都無再搞course，難得今次有爸爸nominate，我梗係應承啦！

下晝Maria叫o左我入房，傾o左一陣！佢話知我呢排有好多不安，因為爸爸要掉組，唔知自已係咪真係可以轉去做buyer！

Maria就promise我話最遲4月1日就會正式轉組！呢排已經開turbo請人，希望Iris Shum可以train up個新人！

有我佢o既 promise，我個心宜家定好多喇！

爸爸對我轉team都幾大期望，希望我能夠同non food新阿頭，創出一片好前景！

因為佢話呢個時代，要肯變，先可以有革新喎！原地踏步係唔可以撤抵解決舊有存在o既問題，佢轉去做ERP都係想之後大家可以做o野得心應手o的！

放心啦，我唔會令爸爸失望o既！

新年過後我就有一個新開始！

要繼續努力！