媽媽(外母)生日

今日係正月18，係我媽媽，豬豬外母生日！

由於尋晚有人成半夜3點先返，搞到我都成3點先訓，今日訓到成點先起身！

起身就第一時間同媽媽講生日快樂！

之後就送o左隻八達通錶俾媽媽喇，媽媽好鐘意呢！

跟住去o左敍福樓飲茶，因為聽聞佢會全線結業，咁咪襯佢結業前去飲一次囉！

今日點o左好多o野食，有媽媽最鐘意食o的臘腸卷！

我o地仲影o左全家福添！

居然撞到契娘，原來契娘o係o個間敍福樓做，傾o左一陣！

跟住去o左namco玩，我o地玩o左6樣禮物返黎，可以用黎佈置結婚當晚o既reception枱用！仲有個可以用黎裝金器首飾o既箱添！

玩完就去鑽石山食飯，不過食飯之前都去o左冒險樂園玩o左陣！原來個大富翁機幾好玩嫁！

本來諗住去金煌庭食，但等極都無位，就去o左新天地食喇！

今晚都食得好飽飽！

媽媽返到屋企，仲話好多謝我個女同女婿喎！

哈！豬豬都唔知講咩好lu！

媽媽第一次叫豬豬做女婿咋，搞到豬豬唔知點好呢！

媽媽話有個女同女婿陪佢慶祝生日，佢真係好開心，今日仲食得好飽，又有禮物收，好滿足喎！