2 in 1睇場

其實自從11月落o左訂，都未真係去睇過場，見今日去完羽絨倉，經過尖沙咀中心，咪去睇o下囉！

去到無人註冊緊，個staff帶我o地去o左睇o個兩個場！

浪漫花園就清雅o的，城堡就grand o的！

好彩我同豬豬睇完都好鐘意個場o姐！亦都無後悔揀o左呢道做證婚！

跟住個staff話可以宜家揀埋個佈景、介指枕同羽毛筆，for 當日用！

但因為未有準備，所以最後無揀到用咩佈景，只係confirm o左用邊款介指枕同羽毛筆咋！

跟住問埋大約幾耐前會有律師樓o既人約我o地去宣誓，好等我o地有個心理準備o麻！

跟住就問租london taxi o的o野！原來london taxi係會有冷氣，但阿Ben話唔會開囉，因為一開架車就會行得慢o的嫁喎！

但比較過價錢，都係之前睇過o個間租車公司平o的！都係等月中個婚紗展先決定用邊間好！

阿Ben仲話1123係超好日，佢話o個日都係得返2個時段仲有位剩！佢仲話當日好多婚禮攝錄同mua都好full，叫我真係要快o的決定係咪租london taxi，因為怕安排唔到！

原來我o地個揀日師傅都真係有o的料，一年10個月前就算到呢日係好日！

個師傅仲話呢日結婚係超旺豬豬嫁！即係我會旺夫益子，而豬豬就會前途好好，我o地日後o既生活都會好幸福同無憂喎！

所以，就決定呢日為我o地o既大日子喇！