Shopping Day

今日天寒地凍，仲要係long week添！

好不情願起身返工呀！

終於都hea到1點，夠鐘放工lu！

豬豬出黎尖沙咀，我o地首先去o左亞士厘道"板長"食lunch！

個人認為好味過元祿、元氣同千兩，下次可以再去！

跟住就行去今日o既目的地 -- 尖東羽絨倉喇！

因為豬豬無件羽絨，天氣咁凍都只係著件jacket，睇到我心都痛埋呀！

咁睇報紙見到羽絨倉做緊特價，好似好吸引咁，咪去睇o下揀唔揀到囉！

去到都搵o左一陣先搵到間shop，嘩，使唔使咁多人呀！

不過好好彩，豬豬搵到件佢鐘意同埋有佢size o既羽絨！

而我就當然唔執輸都揀返件啦！

哈！今次買o左件粉紅色長羽絨，仲要係得返最後一件細碼粉紅色，真係好開心呀！豬豬都話呢件係全場最靚o既呢！

買完俾自己，當然要預埋媽媽啦！

我o地揀o左件雙面綠色o既羽絨俾媽媽！我諗媽媽一定好開心o姐！

3件羽絨盛惠$1,277，不過係豬豬俾嫁喎！

我o地都玩o左成個半鐘呀！不過買到自己鐘意o既o野，用多少少時間無計o既！

所以，今日去唔切金都落訂租男禮lu！因為仲要返去樂富吉之島掃貨呢，今日會員95折呀！

唯有聽日先去金都啦！