尋日去o左上堂，無返到公司！
今朝返到去，嘩，使唔使咁多e-mail呀，成百幾個，睇都有排睇！
今日真係好鬼忙，唔返公司一日o姐，就十九幾樣o野排住做，平時o係公司時又唔見有咁嫁喎！
今日爸爸同我講，話尋日佢sit in代我開non-food個會，俾其中一、兩個同事插喎！
不過又唔係插佢o既，係插Silvi！
但我覺得佢o地好無道理囉！次次都係咁，係我唔o係公司先黎開會數，我在場一定唔會俾佢o地咁呀！
尤其係阿某人，咁Silvi同Phoebe黎o左唔夠5個月，你要佢好似你咁熟，跟本就無可能！
仲要話佢o地俾唔到佢想要o個o的o野佢喎！大姐呀，你估佢係你肚裡面條蟲咩，要你諗咩都知！
哈！真係好無聊囉，你忙時，我亦都忙！想o係阿頭面前表現自己都唔係咁o既，咁咪搞到黑人憎囉！
不過呢o的只係一個o姐，其他二十個人都好好嫁！
今日真係超忙，又要準備下個星期o既management report，又要搞合約，又要做Comparison喎，真係人都癲！
好想快o的唔使做report 同comparison 呀！
捱多1個月，4月1日我就歸位喇！唉…………..今晚得我自己一個訓覺咋！
今朝豬豬5點就起身，5點9就出門口，因為要趕6點鐘地鐵頭班車去太子，再轉皇崗車，公司大隊集合時間係7點o係皇崗！
豬豬老細都傻傻o地嫁，要成班香港同事咁早上到去！住得近o個o的就話o姐，住得遠o個o的真係唔知搵咩車搭去皇崗好！
尋晚媽媽拎o左表返黎喇，好多字呀，不過份form要填o既地方都唔係太多，填完仲要交去屋村辦事處核實資格先可以交返去申請！
等我下個星期頭搞掂埋佢先，叫做了o左件心事！
不過原來申請費係唔收現金，又要sign幾十蚊去銀行買張本票，只係for $100咁大把，真係搵黎搞！
今晚豬豬唔返，我可以繼續整我個婚網喇，間公司send o左e-mail覆我個server整返好喇，可以upload相同backgroud music上去喇！今日唔使返公司，去佐敦上ISO 22000！
之前我都聽過1次，不過o個次係另一間certification body搞o既free seminar，今次就真真正正講ISO 22000 裡面o既requirement！
之前我o地收到公司e-mail話9至5！去到原來係9點半至6點喎！
吓，真係俾佢玩死，等我o地8點9就去到！
不過由於個講者知道搞錯時間，所以9點3就開始o左！
今日有23個人去呀，有餅房，大埔廠，師傅同我o地purchasing！
有好多都係講過電話，今日終於都見到個真人喇！
個course上到4點9就完lu，咁我o地3個星光行人就當然夾埋唔返公司啦，難得一日可以咁早放工！
好o野，遲o的就可以多張cert. 喇！
呢張係我o係呢間公司做o左2年裡面，第2張唔使自己俾錢而拎到o既cert.！
倒數270日，仲有唔夠9個月就到喇！
本來以為呢個倒數咩進展都無，估唔到都confirm o左一樣煩o左好耐o既task – 租車！
雖然唔係我o地當初第一、二個preference，但呢部都靚嫁，起碼特別o的！不過，都有待下個月落埋訂先可以叫做正式完成呢個task！
仲有，就係本來唔o係個進度表o既 – 婚網喇！
其實每次倒數，都發覺自己原來都做o左唔少o野！突然之間覺得自己效率唔錯，當然，朋友o既advise唔少得啦！
不過由於有少少技術問題，所以未能撤底完成！我諗應該6月前就可以搞掂！
黎緊直至6月，暫定pending工作如下：
1. 姐妹裙
心目中已決定邊間，只爭去俾訂confirm，應該3月份內可以完成！
2. 觀禮咭
要開始埋首設計觀禮咭，打算將我o地個婚網網址都加埋落去！
3. 請帖
心目中已有心水選擇，下個月expo去落訂！
4. 住屋事宜
入紙抽居屋，若咁好彩，可以揀到心目中想要o既單位，就要忙裝修o的o野！萬一揀唔到，就要忙宜家屋企裝修事宜！
5. 婚戒
要加把勁去睇o下喇！因為宜家一o的o岩心水o既都未有呢！
6. 會場佈置
一早已決定用Décor Square！但因為係fd黎，所以一直都未落訂！6月前會搵日同Loretta去睇o下個場，再決定點佈置
仲有其他未on the pending list o既o野，就留待7-10月先再搞，因為o個o的急都唔急得！
星期一聽到個唔係咁好o既消息，就係豬豬星期五要去公司特登for大陸branches 同事o既Annual Dinner！
其實咁都唔係一個問題，最重要係佢老細話因為o個晚會hold到好夜，咁夜走無車同危險，要佢o地o係深圳訓一晚，公司出錢！
吓！豬豬自從同我一齊呢6年黎，都未試過唔返屋企訓o既！就算係唔返屋企訓，我都一定會o係佢隔離！
雖然我知豬豬都唔係好想過夜，咁皇命難違，都唯有過一晚啦！
豬豬叫我星期六朝早上去深圳join佢，跟住去按摩同玩喎！
雖然星期五晚我要獨守空房，但星期六有得去按摩同玩喎，咁都補償返我o既損失！
我絶對百分百放心豬豬，因為佢已經話o左俾我知當晚Annual Dinner 後會有咩節目喇！哈！
今日Lydia去完醫院返o左黎探我o地！
佢開始做緊電療，o的頭髮開始甩喇，心都痛埋，不過望落好似肥返o的咁，咁都安樂o的！
由於每星期一我都無飯帶，所以就同佢o地一齊去o左Muse度食lunch喇！
Lydia拎埋3月份張假紙俾我，仲話o左個好消息俾我知添！
就係佢應該4月頭至4月中就可以回歸我o地o既大家庭喇！
唔經唔覺，Lydia都放o左半年病假lu！雖然Lydia 放假，我o地個個都變得好忙，好多o野做，但宜家見到佢康復，都覺得好開心！
我今日仲俾o左電話張婚紗相Lydia睇添！
期間發生o左小插曲！
我叫Lydia停低，話有o野俾佢睇！
咁Silvi之後就話係咩咁神秘，我睇唔睇得嫁？
跟住爸爸個樣笑得好衰，咁Silvi就以為係希希o的相喇！仲話一定係爸爸send俾我喎！
我話，係啦，係佢啦，唔係佢點會有咁反應喎！哈！其實我由舊年11月開始，就開始睇租車！
但因為豬豬o既一時一樣，由當初o既london taxi，到宜家o既寶馬，都仲未有個定案！
我只係知豬豬一定唔要Benz！
其實要呢兩隻車種，唔係間間租車公司有得offer！我好辛苦先搵到1-2間有呢o的車租！
但上esd度又有唔少評價，所以搞到宜家都未book到車！
尋晚同我好朋友傾開，佢好好咁remind我要著緊o的租車！因為我o個日係超旺日，好多o野都好full！
真係好多謝佢提醒，豬豬先肯”的”起心肝，應承我聽日打電話去問o下我o地想要o既車當日仲有無！
豬豬話叫我放心，總之呢單o野佢搞掂，我唔使擔心喎！
放心，豬豬都應承o左book得成，你餐飯唔走得！
希望今個月內(即係仲有4日)，租車可以confirm埋，咁就安樂晒！由於上個星期六，伴娘有事，所以postpone到今日放工先去睇姐妹衫！
本來約6點半，但因為伴娘返工遲到，所以今日要遲3個字先可以放工！
6點9我準時去到佢樓下(因為大家返工地點好近)，點知統籌已經黎o左！
我o地兩個等o左3個字佢先落樓！
之後就搭MTR過太子喇！
過到去，豬豬已經到o左！
跟住就開始今晚o既目的 – 姐妹衫！
之前已經sort out o左2-3間，睇完晒之後，佢o地揀o左間貴o的o既！但後來知道之後，就話平o的o個間都ok！
其實好搞笑，明明我係新娘子，個dress code tone係我講嫁o麻，宜家搞到好似佢o地話事咁！我已經由當初o既粉紫，改做香檳色或粉橙！
我叫伴娘係揀邊間，唔係即刻揀衫，今晚搞到好似一定要揀到件為止先得！
都係統籌明白我意思！阿伴娘真係………！
今日無make decision，因為價錢都相差幾遠！之後無join兩位姐妹就返屋企食飯喇！
搭車o個陣，豬豬俾o左個方案我，叫我問o下o的姐妹喎！
大致係問佢o地考唔考慮每人俾幾十(係幾十，under $100)去租自已件姐妹衫，有剩我包底！
咁様一來可以join間顏色靚o的，款多o的，但貴o的o個間，二來又within我o地budget之內！
不過我估我都係join 貴o的o個間，even佢o地唔sponsor 一百幾十，因為我都想佢o地靚o的，咁個wedding都會好睇o的！
宜家等佢o地覆我，我今個星期六就會去落訂喇！今日係正月18，係我媽媽，豬豬外母生日！
由於尋晚有人成半夜3點先返，搞到我都成3點先訓，今日訓到成點先起身！
起身就第一時間同媽媽講生日快樂！
之後就送o左隻八達通錶俾媽媽喇，媽媽好鐘意呢！
跟住去o左敍福樓飲茶，因為聽聞佢會全線結業，咁咪襯佢結業前去飲一次囉！
今日點o左好多o野食，有媽媽最鐘意食o的臘腸卷！
我o地仲影o左全家福添！
居然撞到契娘，原來契娘o係o個間敍福樓做，傾o左一陣！
跟住去o左namco玩，我o地玩o左6樣禮物返黎，可以用黎佈置結婚當晚o既reception枱用！仲有個可以用黎裝金器首飾o既箱添！
玩完就去鑽石山食飯，不過食飯之前都去o左冒險樂園玩o左陣！原來個大富翁機幾好玩嫁！
本來諗住去金煌庭食，但等極都無位，就去o左新天地食喇！
今晚都食得好飽飽！
媽媽返到屋企，仲話好多謝我個女同女婿喎！
哈！豬豬都唔知講咩好lu！
媽媽第一次叫豬豬做女婿咋，搞到豬豬唔知點好呢！
媽媽話有個女同女婿陪佢慶祝生日，佢真係好開心，今日仲食得好飽，又有禮物收，好滿足喎！
話說尋晚豬豬去o左公司Annual Dinner，成12點幾先返！
先講返豬豬抽獎o既成績，係$1000現金獎！抽唔到頭獎呀，頭獎係現金獎$6000嫁！
每年佢公司都會玩勁飲大賽，今年都唔例外！
今年玩法係隊制，3-5個人一組，o係限時3分鐘之內，飲完啤酒再吹汽球，最後飲得最多就為之贏！
豬豬自從第一年參加過，拎o左冠軍之後，就年年都俾人迫佢上台玩！
今年豬豬話橫掂都係要玩，咁當宣佈o左之後就自己出去，費事第人叫！
今年豬豬同o的vendor組5人隊，豬豬當然不負眾望，佢o地o個隊拎冠軍！
不過今年獎金縮o左水，仲要5個人分，每人都係分得百幾咋！
跟住豬豬仲拎埋個2007年度勤工獎，有現金獎$2500！仲有個獎座添！
宜家屋企，有媽媽o既長期服務獎水晶座，我公司50週年刻名o既水晶，仲有埋豬豬o既勤工獎，咁即係三個都有屬於自己o既水晶座喇！
Bingo豬豬中唔到呀！不過有個vendor中o左$6000，分o左$300俾豬豬，因為係豬豬提個vendor中o左獎喎！
豬豬仲話有個同事飲到不醒人事，要call白車送醫院！其實只係酒氣未過，過一陣就會醒，其實即係飲醉o左！
唉…………Annual Dinner o姐，何必搞到咁呢！返到去實俾人笑足成年呀！
好彩豬豬飲前食o左解酒丸咋，唔係一連飲10杯五娘液，佢實好似個同事咁，不醒人事呀！
總結今年Annual Dinner成績，豬豬拎o左$4000返屋企！
不過，全部要上繳中央，哈！
今日係豬豬IVE同學 – Vicky 結婚大日子！佢o地下晝行教堂，夜晚o係九龍灣皇廷酒家擺酒！
我下晝同豬豬去教堂觀禮，夜晚就當然唔去飲啦，要做人情嫁o麻！
我2點就去到教堂，但豬豬因為要等埋我o地個伴郎，所以要我等o左佢o地成4個字呀！
2點半婚禮開始，先由牧師主禮，再講完一輪，先到宣讀誓詞，交換戒指同簽字！
成個婚禮1個鐘倒啦！
不過，唔知點解，可能無咩人黎觀禮，所以感覺上無咁熱鬧，因為個場太大！
到致謝詞時，新郎講完，俾個咪新娘，新娘可能好緊張，所以無講到！
見到新娘子好緊張，就會諗，唔知到我o個日會唔會都係咁呢？！
之後就搭車返黃大仙食lunch(o個時都成4點幾)，之後我無陪豬豬同我o地o既伴郎去打波，就返o左屋企lu！
梗係啦，兩隻o野訓到成12點，我就7點要起身返工，佢o地梗係唔累啦！
我都無佢o地咁好氣，當然係返屋企搵我張床啦！聽日就係我媽媽，豬豬外母農曆生日，我同豬豬o係新年前已經預備o左份生日禮物俾媽媽！
媽媽之前行行o下街，話好鐘意隻八達通手錶，一來佢覺得靚，二來又可以當八達通用，唔使成日要磨袋拍咭喎！
咁之前問o左佢鐘意咩款，同豬豬行街見有就買定先，費事好似上次咁，想要o個款賣晒，搞到媽媽唔開心！
今次我o地買o左唔俾媽媽知，剩係話聽晚同佢出街食飯！我仲話請你食o左飯就無禮物嫁喇！
而豬豬為怕佢自己唔記得媽媽生日，仲o係部手機度send o左備註，提醒佢自己”外母生日”！
希望聽日媽媽會滿意我同豬豬俾佢o既開心、難忘o既生日啦！每日放工我都會睇都市日報，因為朝早同豬豬一齊返工，所以係放工先得閒睇！
今日有編名為"婚嫁(禮金) 女方平均要價4萬5千"
禮金係男女分岐最大o既一項，女方預算高男方15%。
呢個唔知係女方家長定女方自己o既意見喇！
我好好彩，由開始到宜家，講到禮金問題，我媽媽只係講句"知你o地搞結婚已經要用好多錢，你o地俾到幾多就幾多啦！"
關於酒席人情問題，媽媽就會答"我唔要你o地o的酒席，人情歸你o地用黎找數，你只係俾100張西餅咭我派俾o的老師，話俾人知我嫁女就得喇！"
咁樣我o地會輕鬆o的，需然媽媽口係咁講，但我同豬豬都會盡我o地能力，俾合理o既禮金！
我o地唔想用家人o既錢去搞我o地o既婚禮，我同豬豬都認為，個婚禮係報答雙方家長o既好時機！
總觀編報導話男女意見好大分岐，但at this moment，我同豬豬使錢o既態度都意見一致！
我o地好少為o左籌備結婚o既o野而嘈，嘈親都係因為我發小姐脾氣，要佢tum我o姐！哈！
眼見好多女性朋友，都因為屋企要禮金o既數目，要o既酒席圍數同人情，搞到同屋企人嘈到好唔開心！
其實媽咪都想個女嫁得好好睇睇，咁當然係自己要有face啦！但父母其實係咪應該體諒o下呢！宜家唔係賣女o麻！
睇到呢o的case，我覺得我好幸福，有個咁體諒我，咁錫我o既媽媽！
籌備o左婚禮都有成年喇，當中識o左好多朋友！
其實我真係覺得好奇妙，茫茫人海裡面，因為internet o既關係，可以識到係一種緣份！
緣份呢樣o野，真係可遇不可求！就好似大家o既另一半咁，香港7百萬人裡面，眾裡尋他/她！
咁多個新相識朋友當中，最深刻o既當然係你啦！差唔多晚晚都同你chat，大家互相分享趣事/私事/煩惱事！
我o地大家諗法都好相似，識到你，我真係好開心嫁！多謝你做我粉絲呀！真係有o的相逢恨晚o既感覺，不過宜家都唔算遲！
我o地一齊努力，為我o地o既大日子同將來加油！
o係esd度都識o左唔少同月同日o既朋友，大家一齊交流意見，感覺好開心，因為大家都為自己o既大日子費盡心思，目的係想有一個難忘而又美好o既回憶！
識到你o地，令我個籌備過程更加充實呢！
各位準靚太blog友們，加油呀，為我o地o既大日子一齊努力，一齊有個美好回憶！
今晚係豬豬公司一年一度o既Annual Dinner，每年佢o地都有抽獎，有現金，有禮物！
之前一日會先抽細獎，剩返最後16個就會當晚先抽！
5年黎，豬豬都同大獎無緣！
之前已經講話今年點都要抽返個大獎，因為豬豬諗住轉工，希望轉工前可以抽到一次咁多！
由過年開始，我同豬豬運氣都好好！豬豬仲話今年大獎一定有佢份喎！
尋日豬豬返o左大陸，咁佢返黎我問佢今日公司抽o左獎未，咁佢就開公司e-mail睇喇！
個excel表show o左今日已經得獎o既名單！
豬豬榜上無名呀！
咁即係話佢有機會上台拎大獎！
豬豬真係好開心，雖然今晚先知抽到咩，不過可以入到16強佢已經好滿足！
16強其中一份，係同豬豬好熟o既vendor sponsor，豬豬叫o左佢買NDS！豬豬仲話一定會係佢自己抽到喎！
其實係我想要部NDS，咁呢樣又唔係必需品，所以最後都係決定唔買，慳返o的錢！
但係今次，我想豬豬抽到現金獎多o的喎！
今晚仲會有Bingo，豬豬年年都無中，希望繼續我o地o既運氣，今年中返次啦！
中第一個Bingo有成萬蚊嫁！
今朝搭車返工o個陣，我千叮萬囑叫豬豬唔好飲咁多！豬豬仲話佢已經買o左解酒丸，以防萬一喇喎！
希望豬豬今晚好好運，贏晒所有大獎返黎啦！
而我因為聽日長週，所以唔會等豬豬返黎先訓lu！繼上星期四係西方情人節，今個星期四係東方情人節 – 元宵節！
今日一返到公司，秘書小姐就派朱古力喇！
佢派o左兩粒俾我呀，我實肥死喇！不過秘書小姐話你唔怕喎，仲有好多quota！
跟住就忙、忙、忙！
今日公司個媽媽當我過返去non food時，捉住我同我傾o左一陣！
佢問我幾時會掉過去，我話唔知呀！
咁媽媽就話陣間同聖母開會，順便問o下喎！
佢o地開完會，媽媽同我講話應該係4月1日喎！
其實係媽媽見我兩邊走，好難專注咁去做o野，同埋唔想我得失是但一面！
不枉我叫佢媽媽，佢真係好為我設想！
講返元宵節先！
好可惜今日豬豬要返大陸見客，其實係去送禮，因為過年o麻！
豬豬仲要同班同事去打完波，晏o的先返！
本來今晚屋企樓下有個元宵猜燈謎活動，豬豬本身應承o左我去o嫁！但我諗佢都係唔記得多喇，唔係又點會話打埋波先返丫！
雖然係咁，但兩公婆始終都有自己私人時間，我都唔可以咁”豬制”唔俾豬豬同班fd去玩嫁o麻！
宜家唯有等豬豬打完波返屋企食飯啦！不過我係會同媽媽食o左先！
e..............做o左望夫石添！
今日誤打誤撞之下，俾我搵到間婚網設計公司！
其實之前都想整個屬於我同豬豬o既婚網，不過見收費都唔平o下，所以最後都係決定唔整！
咁好奇之下，就click o左入個web site度睇！
呢間係一間新o既婚網設計公司，現階段係收集users o既意見，所以頭10對新人可以享有永久免費而又屬於自己o既婚網！
睇過o的sample，都覺得唔錯，我諗唔會扼人掛！只要唔俾銀行details同某o的個人資料就得啦！
見到個web截至08年1月31日，仲有四個免費quota，咁就膽粗粗send個e-mail去問o下啦！
佢覆返我，我係頭10位客人，所以可以免費享用喎！
宜家要做o既係upload o的婚紗相上個web site度同豐富個內容！
呢份將會係我送俾豬豬o既第二份結婚禮物！第一份已經訂造好，收埋o左o係個柜度lu！上月底，房署宣佈o左農曆新年後接受第三期居屋申請！
等呀等，到今日都未公佈詳情呀！
好心急想佢派表，咁我就唔使日日check 住佢幾時開始派喇！
佢一日唔派表，個心一日都唔安樂！好似仲有件事未做咁！
消息話2月下旬至3月初，希望下個星期會公佈啦！
伴娘講得o岩，抽居屋對豬豬黎講好o的，因為宜家o的人只係知道佢同我、媽媽一齊住，間屋係媽媽個名！
咁抽到，就可以名正言順話佢俾知，豬豬同我有層樓！
咁樣豬豬o係佢班朋友面前都會有face o的！
不過，抽唔抽到都講彩數，我有日發夢，夢到我o地個no. 係頭10個，我仲夢到個no. 係幾多號添！
我份人就係咁，一係就唔做，一決定o左做就會搵晒所有資料先，做足準備，even到最後可能唔成功，但o係個過程裡面已經享受o左！今日好tired，o係屋企hea到成5點，先開始出去搵o野食下午茶！
我o地今日去o左鑽石山！
首先去o左食元祿！我好懷念板長壽司呀，元祿真係無得比！豬豬話因為上次唔使錢先食得咁豪咋，我諗有排我都無得去板長食壽司lu！
不過今日有張$100現金券，張現金券係o係冒險樂園換返黎o既！
所以我o地呢餐只需要$56埋單o姐！食得好飽飽呀，兩個食到攬住個肚走！
跟住去o左睇婚介，ct2、pink box，周生生o的款都唔係太o岩我o地！
跟住去埋PN，佢o地婚介未返，我o地睇o左o的鑽介！
有隻都ok嫁，戴上手好靚！豬豬仲話若以呢個grading，呢個價係好抵喎！豬豬話不如就用呢隻喎！
我唔知呀！我no comments嫁！隻求婚介指我要surprise嫁！
當然，大粒o的我都唔驅嫁，不過呢隻0.6，我都夠嫁喇！哈！
最緊要唔係粒石有幾大，係佢o個份心意同心機去做功課！
睇完就去冒險樂園，今日o既成本效益係$1=12張！
豬豬爭少少拋彩虹有3000張飛呀，真係好少，爭1mm咋！
唔緊要，下次再努力過！
玩完就返屋企lu！
唔同豬豬一齊去睇鑽石，我都唔知原來豬豬做晒功課，比我更熟，更清楚！
唔知，豬豬會幾時求婚呢？情景會係點呢？
倒數280日
可以用停滯不前黎形容！
本來預算o係expo book o既租車同印帖都唔可以預期完成！
呢個expo太細型喇，好多公司都無擺！
唯有下個expo先去book啦，希望唔會太遲啦！
姐妹衫因為伴娘發燒病o左，所以唔可以金都一轉confirm o係邊間租好！
婚戒已經開始睇緊，不過始終都未有一對係一見鐘情、我同豬豬都好鐘意o既！呢o的o野真係唔可以心急，要慢慢睇，因為要戴一世嫁o麻！
但我o地呢10日裡面，就買好晒擺酒用o既烈酒！
因為我o地自己寫菜單，唔跟酒樓個package，所以無得送烈酒，唯有自己去買！
因為新春期間有特價，梗係一早入定貨啦！唔係到時先買，都唔知去邊度搵o的平又得體o既烈酒！
餅咭據聞已經加o左價，上年最後一次員工價時，同事都話今年一定會加5-10%，點知真係加o左5%！我都估佢會o係擺expo前加嫁喇！
未兩繆謀都未必係壞事，起碼唔使驚佢加價！但o的錢就要預早好多俾o左出去囉！
希望黎緊我個籌備過程會有新進展啦！
始終confirm晒o的o野，個心會安樂好多！今日short week，繼續放假！
話說我尋晚放o左豬豬去打牌，佢打到成2點先返呀！
不過，有好消息，就係豬豬贏o左$1,300！
不過，埋單抽水唔夠數，豬豬俾多$300，即係實收$1,000！
好o野，新年呢10日裡面打牌，我o地已經贏o左成二千蚊喇！
可能個天知道我o地結婚要使好多錢！所以俾我o地發個新年財！
今日下晝等埋媽媽放工就去namco玩，玩完就過九龍城食飯！
豬豬o係飲食男女度見到九龍城有間叫"同心" o既泰國菜，就去搵黎食喇！
我o地叫o左好多o野食，有我最鐘意o既生蝦添！
試o左個推介o既鴨肉湯河，真係好有水準呢！
下次都會介紹o的朋友去呢度試o下！
跟住7點幾返到屋企，豬豬話時間尚早，就叫埋媽媽打3腳麻雀喇！
我o地打o左12圈，打到成2點呀！
開頭豬豬俾少少甜頭媽媽，頭4圈係媽媽贏晒！
不過之後就到我lu！總結賽果，我贏$640，媽媽輸$128，其餘就係豬豬輸喇！
哈，豬豬話贏可以唔收錢，輸就要俾媽媽，所以點都唔可以輸俾媽媽喎！
哈，正衰仔黎嫁！
不過，又過o左一個好愉快o既晚上，同埋可以增進一家人o既感情o麻！
今晚豬豬去o左打牌呀！我諗要成點幾兩點先返lu！
每晚豬豬都會幫我叉個暖暖豬，俾我可以暖o的訓覺！今晚要自己叉lu！
所謂暖暖豬就係電暖袋喇！
呢個暖暖豬係豬豬特登去搵黎買俾我！
話說兩年前，我話俾豬豬知出o左電暖袋，但我搵唔到黎買！
我係一個好怕凍o既人，我天生手腳就凍，食極寶品都唔得！
咁豬豬知道之後，就真係走去搵邊度有暖暖豬賣！
我好記得o個日佢返大陸，佢搭荃灣直通巴返黎(因為我o個時仲o係葵芳返工！)！
之後佢落車見到有暖暖豬賣，就停低喇！
佢總共買o左兩個大，兩個細！
1個大for我o係屋企用，1個細就for我o係公司用！
其餘1大就俾媽媽，1細就俾細佬！
我o個時仲嬲佢點解咁耐先過到黎接我放工！當我知道之後，我真係好感動！
無諗過我只係講o左一句，佢會記o係心，仲要冒住俾我鬧同發脾氣o既危機，去同個阿毛講價買呢4個暖暖豬！
我真係發覺，原來豬豬真係會將我放o係第一位，我講每句o野佢都會記o係心！
我知我無揀錯老公！好想快o的成為傻太呢！
今日拎o左一日day off，除o左陪o下豬豬之外，就係去婚紗展喇！
今次依舊收到新婚會o既免費飛！
其實一早知今次個expo無我想睇o個o的o野，但見有免費飛，同埋阿奀都去，所以就一齊去喇！
我o地o係屋企食完早餐(即係lunch！)，就裝身出發會合阿奀喇！
過到去大約1點3倒啦！阿奀就由cool wedding o的人俾飛，我就去換返張正式入場券！
今次入場都係有本Wedding de Luxe，好o野，又可以唔使錢買本雜誌睇lu！
一開始我o地去o左個叫"緣遊會" o既地方，o個度有o的攤位玩！
我o地首先玩o左個配對，對唔中呢，不過都有包朱古力送！
之後就玩拉檯布，我o地有細獎，係兩支保礦力！我就俾o左支阿奀佢o地喇！
跟住去整個相片氣球，我用o左我o地張婚紗相整呢！好o野，有禮物！
我俾o左張coupon阿奀佢o地去免費揀日，當玩o下！點知算完話o個日唔o岩佢o地，仲話佢o地一個係水命人，一個係火命人！
咁即係水火不容啦！哈！
仲話當日化解方法係對方各封一封利是，成日keep o係身！但阿奀話點keep呀！我話擺入個girdle咪得囉！哈！
跟住最後一個去o左掉彩虹，我o地有兩個鎖匙扣！
玩完先開始行！
阿奀佢o地今日book o左婚禮攝錄喇！佢book到佢想要個攝影師添！真開心！
我o地就去o左睇PN婚戒，本來睇o岩一對，改做全白金個價錢都ok，但因為第一次睇，唔想無比較之下就買，所以最後都係無買到！
我o地諗住下個月都有婚紗展，若到時睇過其他都唔o岩，先去買呢對戒指！
跟住入o左個GP Wedding 會，拎o左本雜誌！好o野，又唔使錢！哈！
我o地帶阿奀佢o地去2 in 1，阿Ben佢認得我o地，仲拜o左個年添！
今日無收穫呀，因為無我o地心水o既花車公司同印帖公司，唯有等下個月expo先搞啦！
今次呢個好細，無咩o野睇！
雖然今次無join到任何o野，完成唔到我預期o既task，不過最開心係整o左個有我o地婚紗相o既氣球！
今日放工一支箭咁飛返屋企！
因為豬豬o係屋企整愛心情人節大餐o麻！
今日有好多surprise，好多心型o既o野食！
今日大餐如下：
1. 阿拉斯加蟹腳
2. 心型牛扒
3. 心型鵝肝
4. 心型莎樂美腸
5. 剌身
6. 壽司pizza
7. 薑蔥煀蠔
8. 芝士焗蠔
9. 辣辣大大隻虎蝦
10. 有機洋蔥湯
11. 紅酒
食得好飽飽！
仲有surprise係有禮物收，就係朱古力喇！不過唔係Milka朱古力呀！不過我都好鐘意呢！
好彩豬豬都有禮物收o姐！
我話因為今次係婚前最後一個情人節，所以要買禮物俾佢紀念一下o麻！
佢一睇個袋就問我係咪好貴喇！好彩都真係唔太貴o姐，唔係一定俾佢鬧到我傻呀！
o係屋企食大餐真係開心過出去食，一來無咁貴，二來可以慢慢食！
好多謝豬豬俾o左個咁難忘o既情人節俾我！唔怪之得佢話今日好忙啦，因為佢要忙住整心型o既o野食！
我諗佢返工都無咁忙呀！哈！
不過真係好開心，有個咁錫我o既老公！
無論以後日子點都好，只要有你o係身邊，日日都會係我o地o既情人節！
老公，我愛你！
今日係我o地一齊o既第1966日，亦係同豬豬過o既最後一個單身情人節，出年今日就已為陳家婦lu！(不過我本來就係 陳 小姐啦！哈！)
o係毫無準備之下，諗o下豬豬為o左呢餐情人節大餐出o左咁多心機，我當然要獎勵o下佢啦！
唯一諗到可以送o既係”呔夾”，佢宜家用緊o個個係我o地一齊o既第一年我送俾豬豬o既生日禮物！仲有，呔夾代表佢俾我夾到實o麻！哈！
原來宜家o的店唔興賣呔夾嫁！無食晏去行晒成個海港城，間間男裝都只係賣呔同恤衫，好少有呔夾賣！其他就算有都係好貴，我覺得無必要買咁貴，同埋俾豬豬知道一定鬧死我！話我sign錢！
皇天不負有心人，終於俾我o係Leo度搵到喇！我要o個款無新貨，不過display o個個都ok，因為佢擺得都幾高o下，我諗無咩人留意！
唔知豬豬鐘唔鐘意呢？我諗佢都一定幾surprise o下囉！有禮物收！
我尋日預先send 定o既sms，豬豬收到之後就覆返我！佢仲話我有無計錯數喎？！(因為豬豬係一個對數字異常敏感o既人！)
我用excel表計嫁，除非電腦出錯，唔係我都唔會錯！
我仲問佢咁到我o地大日子即係一齊幾多日添！
不過，佢話佢仲未計到喎！
期待今晚o既大餐！
今日豬豬繼續放假！
佢今日有個任務，就係去買餸 for 聽日o既自家製情人節大餐喇！
豬豬今日先去taste，再去長沙灣！買o左好多o野，但我唔知係咩喎！因為我要有surprise o麻！
原來豬豬o係3日內已經簽o左成3千蚊，可以去換部暖風機！
不過原本個model無晒貨，唔再出，但有另一款代替！
豬豬仲特登出黎尖沙咀換埋佢俾我！仲等埋我收工添！
呢個都好暖嫁！真係錫晒豬豬！
不過唯一美中不足係佢買o既鵝肝唔記得拎，要晏o的等人o地收工搭車過黎俾返佢囉！
我已經諗到買咩俾豬豬做情人節禮物喇！就係................
聽日下晝食完lunch就出去買！我諗豬豬一定好surprise o姐！因為我o地係唔興節日送o野俾對方嫁！
我仲預先send o左兩個sms，聽日12點就會send out！就當做情人節o既前奏！
好期待聽日豬豬o既愛心情人節餐！
一年一度o既工作評核終於都黎！
不過，我o地成個team o係一月一號已經加o左人工，呢次o既評核係做返個手續！
今次評核我o既係Pippo同Iris Shum！
大部份同我預期o既評分差唔多，佢o地俾我o既advise係”我夠坦白同直接，但欠缺說話o既圓滑”！
佢o地呢番評語我好讚成同接納，我真係要學習一下點樣將o的說話美化一下先講出口！但佢o地話千祈唔好變o左古惑喎！
呢個係我黎緊學習o既target！
佢o地對我overall評價都好好(都有成4分嫁，5分係滿分！)，仲多謝我o係合併期間o既協助同幫忙，令到個routine 工作可以順利過渡！
其實係因為o個排有太多人事變動，先有Lydia入院做手術、化療同電療，跟住係Chloe妹o既resign，再有Iris o既resign，成team人得返我一個人，routine o既o野跟本就無人知，無人識！
我o個排真係好辛苦，仲瘦o左成5磅添！
知道佢o地想我改係因為對我有期望，我會努力去學習，令到自己有進步！尋日媽媽同豬豬都放假，兩個都o係屋企，以下係由豬豬轉述佢o地o既對話：
媽媽：你知唔知”朗平”點去嫁？
豬豬：(諗o左一陣！
)你係咪想去”昂平”，360 o個個呀，你唔係要去元朗o個個”朗平”丫o麻！
媽媽：呀，係呀，係呀！昂平搭欖車o個個呀！
豬豬：咁我幫你上網睇o下啦！
真係好佩服豬豬居然咁都知媽媽講錯，想問咩！
豬豬：你聽日去呀，好凍嫁喎！得零度咋喎！
媽媽：係唔係呀！
豬豬：咁今日話0.8度，聽日咪零度囉！
媽媽：咁點算呀？
豬豬：咁咪即係好凍囉！
真係俾佢兩個吹脹，真係妙問妙答！
隔o左一陣，媽媽走入房，當時豬豬上網用緊PPS找數！
豬豬好強調媽媽係連續講o左三次話：”咁不如你上網幫我睇o下啦！睇o下點去！”
豬豬都無佢咁好氣，明明係佢話上網幫佢搵，媽媽掉返轉頭提議佢上網搵！
跟住，豬豬教媽媽點開部新電視！
之後，媽媽臨訓時，吩咐豬豬：”你唔好用個搖控熄呀，o係o個度熄電視嫁！”
豬豬話明明係佢教媽媽點開同熄電視，到最後搞到好似係媽媽教佢咁！
媽媽開始煲湯，入去問豬豬：”今晚煲”你買o個包”肉骨茶好唔好呀！”
豬豬：”哦，好呀！”
豬豬心諗係：明明包肉骨茶係媽媽買，只不過係豬豬o係廚房幫媽媽搵返出黎，咁就變o左做”你買o個包”？！
我聽完之後真係爆笑，我覺得佢o地好溫馨呀！仲sweet過我同豬豬呀！
豬豬話再黎多幾次，佢真係會頂”blue”順喎！哈！
所以話呢，家有一老，如有一寶，仲會有好多笑料随時發生添！
過年前o係吉之島訂o左部電視，今日送o左黎喇！
原來1點前已經送好貨，仲要安裝好晒lu！
真係好開心，一返屋企個廳就可以睇電視，仲要係32"，咁大個女屋企都未試過有部咁大o既電視！
不過，最開心o個個應該係媽媽，因為佢終於都唔使入我房度睇lu！
下晝成班non food同事去o左映月樓食飯，目的係同袋仔慶祝大壽！
真係超開心，袋仔號召力真係掂，個個都有去！可惜爸爸同Peggy俾ERP個GM叫o左去食lunch，唔係就仲齊人！
臨收工前袋仔去City Super買o左蛋糕返黎請大家食！當回禮喎！
今日臨收工前Iris打俾我，同佢傾o左一陣！
話佢知近況，同埋抽居屋o既o野！
佢話我太遲開始諗喎！
你估我想o既咩！上期居屋又無我想要o既地點！係今次見到有鯉安苑同富強苑我先諗住抽咋！
佢advise都係抽o左先再諗要三房定兩房！宜家諗唔到o既o野就唔好諗，到時先算！
不過佢都建議若經濟許可，三房好o的！
鬼唔知咩！到時我驚供得好辛苦咋！
不過，好開心Iris搵我傾計，我仲要逗埋佢封大利是嫁！
我籌備結婚，都係因為佢咋！話晒我第一次做人姐妹就俾o左佢lu！哈！
有新電視，朋友結婚，同事生日，仲有收到舊同事o既電話！
今日真係好開心呀！
今日係Tom少o既大婚日子，雖然佢o地只係o係註冊署行禮，無世俗茶點同晚宴，但對佢o地黎講已經好難忘！
o係度祝佢新婚快樂，甜甜蜜蜜，快o的生返個肥肥白白o既BB！
我食完晏就落去文化中心UB禮堂睇佢o地行禮，阿Tom好surprise我會黎！
因為我無覆過佢sms話黎嫁o麻！我話要俾個surprise佢o麻！
仲有幾個IVE同學仔都有黎，不過清一式男班，班女仔得我一個到！
原來其中一個已經結o左婚，佢仲唔認得我添！所以佢無派利是俾我！
睇得出阿Tom好開心！佢讀誓詞時仲口塞塞添！
今日Miss Chan Chan都有黎到，我仲話o左俾佢知我今年11月結婚添！仲俾o左幾張婚紗相佢睇！
原來佢有教我表妹Marketing，我仲話我表妹話好鐘意Marketing個Miss，原來就係Miss Chan Chan教o既！唔怪之得佢會鐘意呢科啦！
我都諗住到時請埋Miss Chan Chan同李Sir，若Miss Kea 嘗面，我都想佢黎
佢o地讀誓詞同簽名時我覺得好溫馨，好開心！
不過，我諗11月到我時，我真係驚我會喊呀！原來個環境、氣氛真係會令到新娘子有感觸嫁！今日年初五，放完假lu！要開始新一年o既工作lu！
今年係最後一年逗利是喇！返到去第一時間問枝哥擺利是，跟住就全部當然係我囊中之物啦！哈！
個個都話收到風我逗埋今年利是咋喎，我話仲有成7、8、9年要逗嫁！
下晝Peggy請去北京樓食開年飯！不過有位同事發脾氣無去到！
食飯時何生仲話佢自己中o左六環彩，派成十幾萬呀！
何生真係好掂，成日都中o既，六合彩二獎都中o左幾次！呢o的福真係唔係人人都可以有嫁！
佢封利是仲成$100添，中o左馬果然係唔同o的！
今餐開年飯食得好飽飽呀！
6點半放工就返屋企lu，無理由新年流流仲要開OT嫁！
今日豬豬繼續放假，佢放多成個星期呀！
所以我就點o左佢去買烈酒喇！
叫佢買6支，佢最後買o左10支VSOP！
好o野，又搞掂一樣，紅酒烈酒都買齊晒lu！Total有62支紅酒，10支VSOP！擺25-28圍，我諗都夠掛！
今個星期Expo搞埋租車同印帖，咁就一天都光晒！
本來聽日約o左伴娘去金都睇姐妹裙，但佢發燒呀，所以又要postpone喇！或者，我星期五放假同豬豬自己去睇啦！
若係咁等，我諗人o地加價我都未confirm到呀！今日約o左1點去飛飛屋企！
去到先去百佳買o野for今晚打邊爐！我o地今日買o左好多o野食呀！
之後就去飛飛屋企開檯lu！
食飯前先打8圈，打完我都輸成二百幾！
不過豬豬贏二百幾，咁都算打個和！
之後就開始打邊爐lu！
食完再打8圈，呢8圈真係旺到你唔信！由混對可以摸到清對仲要自摸！由混一式做到混對，由開牌443摸到清一式！
我自己都唔敢相信自己咁旺！舖舖都6番起糊，仲要多數都係自摸！
所以最尾埋單贏$550，豬豬贏$320，加埋贏$870！
其實最搞笑係有一舖我食豬豬隻發財十三么，之後跟住o個舖豬豬食返我隻9萬十三么，睇到佢o地嘩一聲！
最嬲係一舖我做緊混對，我自己之前打過4索，豬豬最尾摸4索唔打，跟住我最尾又係摸4索，咁我梗係打4索啦，點知佢條死仔包話食喎！
頂丫，我真係嬲到震囉！我自己打過4索佢夠膽死話驚我4索喎！
我話一定寫blog寫衰豬豬嫁，仲要話俾媽媽知添！
不過..........
咁樣令到飛飛嬲o左我，仲sms我話以後唔同我打牌！
係因為佢輸o左成$700！
唉.............咁我都唔想嫁！我都以為我呢次輸梗添，無諗過會之後會咁旺嫁o麻！
真係要諗o下計tum o下佢至得！
發到新年財都唔開心o既，咁我情願唔發呢個新年財喇！
今日年初二，今日居然係無o野做喎！
本來話初二去未來99度拜年，但因為改o左尋日，所以變o左今日無o野做！
我o地訓到成12點先起身，之後就梗係豬豬煮o野俾我食啦！哈！
跟住就去o左Namco玩lu！我o地今日有好多禮物拎返屋企呢！
可惜掉彩虹個金色獎爭少少，真係爭好少，唔係就有部微波爐俾媽媽做新年禮物lu！
今日o的職員仲話你媽咪尋日黎過喎，仲話你掉低佢，掛住去男家o個邊，唔理佢喎！
哼，媽媽唱我喎！不過o的職員都話其實我同豬豬都好孝順，都成日陪佢去玩o姐！
跟住就去買o野打邊爐喇！天寒地凍最好就係o係屋企打邊爐嫁啦！
等媽媽返黎就開餐lu！
今日好開心呢！一路食，一路傾，好溫馨呀！
聽日就約o左去飛飛屋企打牌兼打邊爐！
Yeah！！
續.......
相片質素
珠海現代經典
o係電腦度用一個software睇，不過無得放大張相睇清楚o的！
o的相未執都已經好得，好靚！出黎效果好好！
以馬內利
都係o係電腦度睇，可以放大張相睇清楚o的！
o的相未執好多穿崩，效果影出黎亦唔太吸引！
珠海現代經典勝！(4 vs 1)
Package以外費用
珠海現代經典
加相有package揀，分30、50、70同90張package，最貴o個都唔使RMB3000！
Package內加唔同相數又送唔同數目相簿同其他額外o野！入落唔同相簿都係一樣價錢！
全部價錢已包埋UV coating！
因為價錢太抵，所以唔使講價！
以馬內利
無package揀，加相就每張計！入唔同相簿個價錢都唔同！
做coating都係逐張計！
因為太貴，要花好多時間去講價！
珠海現代經典勝！(5 vs 1)
修相
珠海現代經典
無得睇嫁，所有排版都係佢o地決定！
以馬內利
本來都係無得睇，不過豬豬出馬，當然會有得睇啦！睇完可以修改！
呢點係我o地欣賞o既地方(其實係因為信佢o地唔過o姐！)
以馬內利勝！(5 vs 2)
製成品
珠海現代經典
4本相簿+2張油畫做得好好！4本相簿都有晒美編！
全部相簿內頁都係同一個方向，睇時舒服o的！
以馬內利
雖然未收到相簿，但佢show出黎o個o的唔係本本有美編！要美編係要加錢另計！
仲有睇時要打橫打直咁睇，睇得唔係咁方便！
珠海現代經典勝！(6 vs 2)
總結收穫
珠海現代經典
Total約HK$10,000，有130張相、4本相簿、2幅大相、2個檯架、1個水晶座、8張2R相、1個皮喼、1隻CD！
以馬內利
Total約HK$16,800，有100張相、4本相簿、2幅大相、1提名布、1隻CD！
睇我以上comment，都知我比較滿意邊輯啦！
不過，第二輯有我最鐘意o既海灘，仲影得出奇咁好添！呢點係補償我第一輯無咩點影海灘景！所以，都唔可以話佢好差囉！
我只係唔滿意要俾多成$4,000，o的相簿同大相先有coating囉、仲要少30張相！
遲o的影埋第三輯，再黎個終極大比併！今日好忙呀！
首先去o左豬豬婆婆屋企食lunch，第一次見末來奶奶，比我想像中無咁難相處，不過係講o野有時惡少少咁囉！
阿公阿婆都無咩o野，阿公仲好健談o既添！
食完lunch就過去荔景女麻女麻屋企，我o地係繼大表姐之後，最早到o既孫！
等埋豆豆黎，就夠4隻腳開檯喇！
打打o下未來老爺又話要打，咁細佬咪俾老來老爺打囉！
未來老爺好掂，細佬初時輸百幾蚊，老爺坐落之後就倒win 二百幾！
跟住豬豬話我要坐佢隔離旺一旺佢，點知我一坐o係佢隔離，仲連帶旺埋老爺，4圈都係得豬豬同老爺食咁滯！
所以，又一次證明我係旺豬豬o既，連豬豬自己都係咁講嫁！
不過食完飯之後，我開始眼訓，所以旺唔到豬豬同老爺，所以打完4圈我就叫豬豬走喇！再打落去再輸多o的！
輸唔係一個問題，係條氣唔順丫o麻！阿豆豆以為自己好叻打牌，俾佢倒win返條氣好唔順嫁o麻！咪食完飯打埋4圈咪唔打囉！
今日逗o左18封利是，係一個好開始！仲陸續有黎呢！
18好意頭呀！今年一定發嫁喇！哈！
今日係大年初一，恭喜大家身體健康，橫財就手，步步高升，財源廣進，甜甜蜜蜜，大家一齊搵多o的！
今日行程好緊密，先去豬豬婆婆度拜年食lunch，再去豬豬女麻女麻屋企食晚飯！
我同o左豬豬一齊5年幾，都係第一次見豬豬媽咪咋，好緊張添！
之前諗住約出黎食餐飯，但好似好怪咁，咁新年就係一個最好o既藉口見面啦！
希望第一次見面俾到個好印象未來奶奶啦！
豬豬爸爸我就成日見，佢仲每年都派利是俾我添！
而今日我媽媽就要返工，之後去阿姨度拜年，又無我份lu！
諗諗o下我都成幾年無去過四姨屋企拜年喇！下年真係要去拜o下年喇，我會提議唔揀年初一囉！
我今年要努力逗利是，出年要開始派嫁喇！今年唔搵返多o的點得呀！
希望大家都過個開心o既新年，逗多o的利是！
今日係大年初一，亦都係我o地倒數o既第290日！
擾攘成2個幾月o既男禮終於都confirm o左！之前諗住租件貴o的o既俾豬豬，點知豬豬唔鐘意o個o的style！
最後都係去o左金都度租！件黑色幾特別嫁，係暗花加閃花邊，豬豬carry得幾好！行晒成個金都，都係得呢間有得租呢款！
黎緊要煩o既就係租車！
原本想london taxi，但聽過好多comments話架車行得慢！
因為我o地o個日都幾趕，真係一分一秒都好緊迫，萬一架車有咩事，咁o個日個rundown咪亂晒？！
宜家有第二個choice，就係勞斯萊斯！
但呢個choice比較over budget，豬豬話不如寶馬喎！
真係好頭痛！
都係等下個week expo去睇過價錢再作決定！
而姐妹裙已有目標店，不過有待同伴娘初六去睇過先決定租邊間！豬豬就prefer佢o地租平o的o個間，兩間租都差成$70一條嫁！
若果連車同姐妹裙都confirm埋，咁只係爭花球同印帖o姐！
黎緊個expo會有4pair人一齊去呢！
哈！我諗09年要飲好多餐lu！
