辛苦o左兩年，終於都黎到今日！
今日其實whole day我都想喊！
尤其係致詞時，講到多謝媽媽，真係喊o左出黎！
致詞時多謝老公，個個朋友都話感動佢o地都想喊！
致完詞之後望住老公，老公仲流o左一滴眼淚！
最感動位係我真係估唔到老公會當住咁多人唱歌！
仲要係佢自己改篇o既歌詞！
雖然開始時個咪有少少聽唔到，好彩MC Benny夠醒目，即時拎個咪出黎換o左！
我真係忍唔住喊喇，仲喊到個妝化晒！
好彩亦都有化妝司Ashlee o係度！
最辛苦莫過於班兄弟姐妹！
尤其係伴娘、伴郎、老金、阿Vic、飛飛、阿奀同阿芹！
我去換衫，即係等於伴娘、飛飛同阿奀都無得食o野！
每位兄弟姐妹都好盡力去幫我o地！
有你o地我同老公先唔使理咁多o野，專心去影相！
你o地餐慶功宴真係唔少得！
呢16位兄弟姐妹當日為我同老公做過o既o野，唔好以為我成日去換衫，老公成日去show show，但我同老公係完全知道晒！
無o左你o地，我個婚禮唔會咁順利！
尤其係伴娘你，尋日msn o既一段話，令我真係覺得我無揀錯人做我伴娘！
當日表現簡直係excellent！
因為有你o係我身邊，我先無俾我奶奶激親，可以成日keep住笑同靚！
你永遠都係我好姐妹！
雖然辛苦o左成2年，但只要諗返當日o既開心、感動同賓客反應，咩都值得！
呢個真係一個好好o既回憶！
我都看到你奶奶有小許黑面呀!雖然我唔知道你奶奶咩事唔開心,不過聽到你奶奶同你媽媽講個段對話,其實你奶奶係好開心的
回覆刪除[版主回覆11/25/2008 14:05:00]當時係因為佢俾我老公o係電話話佢，所以黎到有少少黑面囉！
我班兄弟姐妹個個都話見到佢黑面！
不過，其實奶奶同我媽咪講過咩呀，我好想知呀！
再一次恭喜你, 感受到你的喜悅和甜蜜. 見到你用了好多心機籌備婚禮, 想像到你的婚禮一定有好多感動位, 會喊都好正常的.
回覆刪除你對手套同我個對一樣架, 係咪係A&D買呢? 我地taste好似呢
[版主回覆11/25/2008 21:29:00]thx你呀！
等o的大會相返黎，我會慢慢寫返當晚o既細節！
我o係係A&D買嫁，又會咁o岩，哈！
我o地唔止taste一樣，仲一樣嫁到好老公！
恭喜哂你呀~~~
回覆刪除[版主回覆11/26/2008 10:48:00]多謝晒呀！
真係恭喜你!
回覆刪除本來我都想黎恭喜你,但男人話咁會太"堂特",
加上我個晚放左7點幾,黎到都夜,
所以沒黎!
在此恭祝你新婚愉快!
[版主回覆11/26/2008 10:49:00]多謝你呀！
唔緊要啦，我知你有心就得！
其實若你黎一定唔會太唐突o既，每個朋友雖然當晚我見o既時間唔多，但出現過我都一定會記得，仲開心添！
恭喜晒你呀...陳太!
回覆刪除我都做左..韓太喇!
[版主回覆11/30/2008 20:39:00]韓太，我都恭喜你呢！