大豐收的一日

放埋今日假，聽日又要回歸公司lu！

所以趁住呢一日假期，約埋阿妹一齊去行街！

點知阿妹去到九龍塘時話佢好暈，o個時真係嚇死我！

好彩過多一陣佢就話無事，已經繼續搭緊車黎我屋企！

老公下晝無去見客，返o左黎訓覺！

因為老公只係抖o左一日，仲要o個日係要走去還衫o既！

所以係無正式休息過！

老公太累喇，所以要返黎訓呢！

等老公返o左黎一陣，我就同阿妹去樓下行街喇！

先去o左眼鏡88配眼鏡！

我總共配o左兩副，一副好型o既紫色for出街用，一副粉紫色Gucci用黎返工，因為呢副比較斯文o的！

如果唔係副紫色返工好似唔係太好，我都唔會配兩副呢！

今個星期六就有得拎喇！

而阿妹亦都配o左1day con.！

不過阿妹就返去上水先拎！

之後就開始行匯景商場喇！

我今日總共買o左4件衫同1條9分褲，仲有兩對返工鞋！

而阿妹就買o左1件衫同1條裙！

跟住仲買埋撈撈返屋企食添！

返到去我就叫老公起身去返工喇！

仲試晒所有頭先買o的衫俾阿妹睇添，哈！

再同阿妹傾o下計，好快就到7點lu！

老公亦都放工返黎，阿妹就返屋企食飯喇！

今日好豐富呀，好期待快o的有新眼鏡戴呢！