倒數15日 – 舊同事及豬豬IVE同學接旨

今日長週要返工！

放工之後要走兩場去派帖！

下晝放工即飛入葵芳潮館同班舊同事飲茶！

Alan肥o左好多，做o左老細果然係唔同o的喎，哈！

而阿Sus，Amy同阿雲就無咩變！

派帖俾佢o地，佢o地又係話好靚！

Alan仲拆完一次黎睇，隔o左無耐又再拆多次睇，係咁話唔錯，好靚！

真係俾佢激死呀，哈！

之後落去聚豪閣join豬豬、女麻女麻同二表姐飲茶！

因為豬豬要拎親戚o的帖去女麻女麻屋企等米奇伯幫我o地俾o的親戚！

跟住同女麻女麻行o左一陣，佢係咁話要買金戒指俾豬豬！

豬豬已經話唔使，已經有一隻，女麻女麻話多o的好o的o麻！

女麻女麻真係好錫佢每個孫呢！

跟住出太子金都做正經o野，夜晚就去佐敦同豬豬IVE班同學食飯喇！

我發覺我o的朋友同豬豬朋友收到帖係兩個情景！

我o地朋友會當住我面讚話好靚，好特別！

但豬豬o的朋友係無講任何o野！

唔怪之後豬豬之前派第一批帖時話無我派帖咁興奮啦！

因為之前派俾我o的舊同學都有同豬豬一齊出去，所以佢話完全係兩個feel！

我話可能我班朋友比較熱情開放，豬豬班朋友比較含蓄啦！

Anyway，其實知佢o地欣賞張帖，但佢o地唔會即時表現出黎o姐！

終於都只剩返豬豬o的同事、QES o既同學同埋好少數o既朋友未派咋！

派帖任務我諗可以o係下個星期日前完成9成嫁喇！

要加油呢！