婚後第一日返工

放o左3日假，連埋上星期五，即係放o左成6日假！

終於都要返工喇！

返到去，俾媽媽叫做陳師奶！

哈，唔知點解聽到個感覺好開心！

跟住百幾樣o野擺o左o係枱面，返到去就無停手係道做、做、做！

好開心聽到份回禮禮物 – 我同老公一齊設計o既金幣有人欣賞！

話好有心思！

不枉我之前花o左差唔多半年時間去搞呢份小禮物！

我拎返o的有做禮但無去到o既俾o的同事！

佢o地都話好特別，好靚，係第一次收呢種禮物！

其實唔算係咩特別o野，只係代表我同老公o既小小心意！

當晚有好多人話一定好貴，我o地落好重本！

但其實within 10蚊以內，我同老公都覺得合理！

況且宜家8蚊都唔使呢！

返到屋企同老公講我o的同事對份回禮禮物comments，老公都話咁即係我o地當初選擇無錯！

等大會相出o左，我再詳細解釋點解我同老公會咁設計！

俾人叫陳太個感覺好得意，老公朝朝都要叫過我一次陳太先出門口返工呢，哈！