喜事多籮籮

今年我部門真係喜事重重！

我星期三派完帖，今日輪到另一個同事派帖！

真係唔係講笑，呢個同事係我同同一日結婚！

佢o係新世界中心伊甸園註冊，我就o係尖沙咀中心2in1註冊！

我早佢9個字開始，好多同事話可以走到兩場喎，哈！

而呢位同事夜晚唔擺酒，o係酒店擺cocktail！

不過，我同佢共同請o既同事唔多，so影響都唔太大！

而今日又聽到另一個喜訊！

就係阿Joe結婚喇！(無錯，又係叫阿Joe，哈！)

佢係出年1月3號註冊，1月9號擺酒！

佢又係o係德福美皇擺，真係穚！

原來佢只係搞o左2個星期咋！

因為佢屋企o既老人家話一係就09年擺，去擇日又只係得09年1月或者09年11-12月，唔係就要2011年先可以結喎！

但出年11-12月已經搵唔到酒樓，而咁o岩德福美皇又有位，所以就09年1月喇！

聽到自己同一個部門，有1個同自己一日結婚，1個就出年1月，o個種心情真係幾興奮嫁！

不過，聽聞我o地部門都仲有一個會係11月結婚呢，但日子未知喎！

今年年尾真係喜事多籮籮，哈！