倒數6日 – 發燒

真係死火，仲有唔夠1個星期先黎發燒！

上個星期o既感冒未清，加上星期六日咁辛勞，所以今日黎發病！

今朝已經因為肚痛，所以成10點先返公司！

下晝個人開始頭暈，仲發埋燒添！

媽媽仲叫我即時走，話我要養好個身體，佢唔想見到個病o既新娘喎！

所以下晝2點半就走o左喇！

醫生話我要休息多o的，仲寫埋聽日假俾我！

佢話一定要休息夠個病先會好喎！

為o左大日子要靚靚同精神著想，所以返到屋企食藥就訓lu！

訓足4個鐘，再起身食o野，今日我o的阿姨上黎打牌！

由3姨做大廚，不過我都無份食！

蝦同蟹都唔食得，只可以食魚！

食飽就再食藥上床訓覺lu！

希望今日休息夠，星期四前可以好返啦！