之前好努力咁幫媽媽整好晒佢o個邊o的帖!
媽媽今日就繼續去派帖喇!
之前已經派o左俾大姨媽同由細睇到我大o既保險陳生同陳太!
今日首先係媽媽o既大表姐佢o地!
媽媽今朝約o左大表姐佢o地去飲茶派帖呢!
跟住就係潔姨!
潔姨仲上o左黎我屋企坐添!
當佢見到我同豬豬之後,講o左一句”佢兩個幾似樣喎!”
哈,估唔到潔姨第一次見豬豬都係咁講!
唔通我真係飛唔出豬豬五指山?!哈!
跟住媽媽入o左馬鞍山派帖俾哎呀舅父!
原來哎呀舅父之前o個日都要返大陸飲!
佢個親戚又係同我同一日!
而哎呀舅父個老豆個侄女(我唔知叫佢咩嫁!)又係同我同一日!
不過哎呀舅父同舅母,仲有哎呀表妹同表弟,都揀出席我呢邊個婚宴!
聽到o個一刻真係好開心嫁!
而哎呀舅母個話已經買o左條金鏈俾我!
呢個我真係估唔到呢!
我知我o的親戚(除o左某一個)好錫我!
三姨就留返o的大假o係我結婚o個時拎,四姨、四姨丈會送金器俾我!
而大表哥就借出佢嫁車俾我做兄弟車,仲要係大表哥做司機添!
表姐亦都請假做我大衿姐,仲要一日走兩場,因為佢個fd都係同我一日結婚!
B表弟呢個警察亦都請o左假黎幫我手打點一切!
Alan表弟就話送出佢舖頭o既精品俾我黎玩遊戲用!
強表哥就叫埋一定唔會出席家族婚宴o既表嫂黎我婚宴!
而哎呀表弟都話做我花仔嫁,但佢太大個喇,唔適合呢,哈!
我真係覺得好感動嫁!
佢o地成日都話到o左我o個日一定不醉無歸添!(唔知講緊佢o地定係要隊我同豬豬喎,哈!)
除o左大姨媽,到宜家呢刻都無表態過佢會做o的咩喎!
真係好慶幸我生命中有呢班咁錫我o既親戚呢!
邊個話單親家庭無咩人錫嫁,我全個家族都好錫我呢!
沒有留言:
張貼留言