婚後一星期

由於尋晚(唔係，係今朝)先返屋企，所以我o地係唔知醒嫁！

本來打算同老公去Mega Box睇戲，因為阿妹俾o左張免費coupon我！

但我o地一訓就訓到夜晚6點先起身喇！

所以都無去到吉之島入貨同埋冒險樂園玩！

今晚媽媽買o左sushi返黎俾我o地食！

阿妹食飯時仲不斷問”咩表姐夫唔係醉o左咩？””咁佢尋日點解會咁o既？”

老公就話你表妹真係好可愛o既o姐！

佢咁都會信喎！

我好慶幸我係上星期結婚，唔係今個星期咁凍都唔知點算！

食飽睇埋獎門人又上床訓覺lu！

今日真係好舒服，可以訓足成日呢！

慶功宴

個慶功宴o係係婚後一星期擧行！

點解要揀呢日，係因為計過之後o既星期六會有好多人都唔得，所以就今日搞喇！

我o地約o左6點半，但最後都係7點先去到！

但原來我同老公已經係最早到o個個！

我o地去o左一間樓上Bar度搞party！

o個度有得唱K，又有得BBQ，最重要係任飲o麻！

今日出席有成16人，包括10位兄弟姐妹同部份佢o地o既另一半！

呢度係用gas爐燒o既，唔使叉住咁燒！

咁樣對手會乾淨o的！

有幾個兄弟姐妹仲話個場唔錯添！

一開始係叔仔係咁開Eason演唱會，連o野都唔食，佢都唱o左成個幾鐘先肯抖呢，！

叔仔已經取代o左老公地位喇！

10點食飽飽，咁就入去開始玩喇！

不過，o個時關生已經半醉狀態！

都係林氏伉儷啦，係咁隊佢！

11點半倒關生同未來關太就走先喇！

(呢張並唔係關生同關太，係周生同周嫂！)

其實我今晚都唔係飲好多，飲得最多係同阿妹一齊玩啤牌！

佢係咁輸，搞到我同老公要幫佢頂！

不過可能o的芝華士太過稀喇，連飲幾杯都無o野！

但老公就話佢自己8成醉喎！

梗係啦，佢係咁滿場飛！

不過，我信佢先奇呀，佢仲咁淸醒！

又唱返佢當晚o個首改篇歌(改自月亮代表我的心)俾我聽！

佢o地仲特登點安仔歌要佢唱添！

佢仲識話唔係至到5點o既咩，宜家4點半咋喎！

仲要話唔搭的士，我o地等小巴返屋企！

因為太早未有小巴，所以就話要去o左食宵夜？！(定係早餐？！)

佢仲同兩個鬼佬傾計添！

不過阿妹就以為佢表姐夫真係醉o左囉，哈！

我o地仲要一上小巴就三個都訓晒，過o左站都唔知！

搞到要由油塘行返去藍田呢！

返到去7點，係時候要訓覺lu！

p.s. 我叔仔係問o左我表妹拎電話嫁！老公話大家親戚，要多o的溝……….通o下先得嫁喎，哈！

同麥兜兜打邊爐

下晝媽媽打電話俾我，問我今晚打邊爐好唔好！

我話梗好嫁，my favorite 喎！

媽媽仲話叫埋表妹黎一齊打邊爐！

阿妹話黎喎！

佢7點打俾我，問我o係邊，我話仲o係公司未放工！

跟住佢話佢好肚餓！

我話咁食住雪糕先啦，我7點9返到黎，你可以7點半開始食住先！

返到去，隻傻妹真係等我同老公返黎先開始食！

跟住呢個麥兜兜又問埋o的麥兜問題喇！

老公成日都話佢似麥兜咁無厘頭喎，哈！

其實我結婚o個日佢已經有"火羅"o野！

班姐妹叫佢開開門利是睇o下幾多錢，跟住佢係撕爛o左2張5百蚊紙嫁！

跟住拎住爛o左o個隻角，係咁問班親戚點算好！

我之後聽返都覺得好笑！

跟住食到最尾，阿妹同老公玩包、剪、鎚！

輸o左要食煲裡面一樣o野！

點知猜o左5局都係阿妹輸！

咁換我同佢猜3局，又係佢輸！

阿妹仲要話唔得，一定要猜，要猜贏為止！

咁我就諗o左好耐，跟住輸o左俾佢，哈！

佢由細到大都係咁，猜親包、剪、鎚都俾人估到佢會出咩！

食到最尾，佢仲要大大聲咁話，就猜o左呢兜佢！

跟住三姨話輸o左定贏o左食先！

阿妹就話猜贏o左食！

咁三姨就話咁你今次一定贏梗都得喇！

點知真係阿妹贏o左，老公話佢諗o左好耐先輸到俾佢嫁喎，哈！

總之尋日餐飯就笑爆！

笑到我個牙骹好痛，不過勁開心囉！

聽日阿妹又去慶功，到時一定玩得仲開心！

有麥兜兜，真係無悶場呢！

兄弟姐妹團慶功宴地點

決定o左去邊度慶功喇！

老公今日仲去o左睇場同落訂添！

因為我o地想包場，咁會玩得放o的呢！

地點就係 – M & W Bar！

我o地包o左間細房，可以唱K，任飲同任食BBQ！

老公去睇過個場都話掂喎！

希望班兄弟姐妹會喜歡我同老公呢個安排啦！

各兄弟姐妹，聽日6點半，尖沙咀寶勒巷等，可以玩到第朝5點嫁！

聽日要不醉無歸！

勞苦功高o既兄弟姐妹團

為o左報答16位o係1123 當日付出，我同老公決定搞餐慶功宴，慰勞一班勞苦功高o既兄弟姐妹！

因為當日佢o地表現實在太好喇，無o左佢o地當日我同老公都會拿手唔成世！

先黎多謝o下各人先：

伴郎 – 周生

周生真係唔話得，真係全程陪住老公，我o地收到人情就全部好放心咁交晒俾佢！佢夜晚仲叫周嫂拎部notebook黎，為o左配合個4串1遊戲用！仲要幫班姐妹去買麥記！幫我同老公解決o左好多問題！

兄弟 – 阿Vic

真係好多謝阿Vic當日為我o地做副車司機！

原來朝早接新娘時，老公唔記得帶個花球！阿Vic係車完佢o地黎藍田，再返去荔景拎花球再過黎！佢話”接新娘點可以無花球嫁，我返去幫你拎！”

呢個兄弟真係唔話得！夜晚仲要等到我o地最後，幫我o地拎埋o的飲剩o既酒車我o地返屋企！

兄弟 – 老金

全場指揮！係咁多個裡面，唯一做過兄弟o既兄弟！佢幫我o地解決好多問題，又同酒樓deal！玩接新娘遊戲時又好好咁幫老公頂晒所有o野！又留守到最後，幫我o地拎返o的o野先再返屋企！佢當晚表現真係excellent呀！

兄弟 – Edmond、Steven、阿Q、豆豆

朝早玩遊戲時好投入，去到酒樓自動波，唔使我同老公操心！仲要俾奶奶鬧都無黑面，真係難為佢o地喇！

兄弟 – 細佬

當日好彩細佬控制住奶奶，奶奶先無發癲得咁厲害！仲有佢keep人情好負責，一封都無少到呢！留守到最後，幫我o地拎返o的o野先再返屋企！

呢個叔仔真係好呢！

佢仲好認真咁同我表妹講”我唔同你影相！”

阿妹唔知發生咩事，以為佢做錯o野！

點知細佬係話你太高，我要坐底先會同你影相，哈！

伴娘 – Brenda

當日表現簡直excellent！之後佢o係msn一句”當我聽到你表姐話今日唔靚唔做大衿姐，我知我今日o既目的係幫你以最靚、最好o既出嫁，所以唔理得咁多！”o個刻聽完真係好感動！仲有要伴娘陪我兩餐都捱麥記，其他姐妹就去到酒樓就出o左去食o野！佢全程陪住我，真係寸步不離！

我知咁多個姐妹裡面，最辛苦o個個係伴娘！係佢企o係我隔離，我先會全日笑！當我想發脾氣，伴娘就話你諗o下我o的蝦碌o野你就唔會唔開心嫁喇！

Brenda永遠都係我好姐妹！佢出嫁時雖然我做唔到伴娘，但只要佢願意，我無條件會付出！正如佢無條件為我付出一樣！

姐妹 – 飛飛、阿奀

我換衫即係等於佢o地都無得食，有得食都係要凍晒o既！陪到我最後，執埋晒所有o野，同我o地拎返o的酒上車先走！玩遊戲時自動自覺行出黎做獎品小姐！當日除o左伴娘，佢兩個都好辛苦

姐妹 – Chloe 妹

Chloe妹幫我照顧我表妹，所有o野都handle得好好！仲特登等我換埋衫，埋完單仲同我鎚骨傾計！坐reception好清楚個坐位表！有佢o係reception我完全放心！

姐妹 – 阿芹、飛鳳

阿芹同飛鳳真係由頭到尾keep住晒我o地金器同人情！揀佢o地真係絕對正確！

又幫手o係出面招呼o的guest！

姐妹 – 阿妹、阿魚

兩個都有份幫我影snap shot，雖然唔多，但已經足夠俾我知道當晚發生過咩事！唯獨阿妹真係笑料百出囉，哈！

婚後第一日返工

放o左3日假，連埋上星期五，即係放o左成6日假！

終於都要返工喇！

返到去，俾媽媽叫做陳師奶！

哈，唔知點解聽到個感覺好開心！

跟住百幾樣o野擺o左o係枱面，返到去就無停手係道做、做、做！

好開心聽到份回禮禮物 – 我同老公一齊設計o既金幣有人欣賞！

話好有心思！

不枉我之前花o左差唔多半年時間去搞呢份小禮物！

我拎返o的有做禮但無去到o既俾o的同事！

佢o地都話好特別，好靚，係第一次收呢種禮物！

其實唔算係咩特別o野，只係代表我同老公o既小小心意！

當晚有好多人話一定好貴，我o地落好重本！

但其實within 10蚊以內，我同老公都覺得合理！

況且宜家8蚊都唔使呢！

返到屋企同老公講我o的同事對份回禮禮物comments，老公都話咁即係我o地當初選擇無錯！

等大會相出o左，我再詳細解釋點解我同老公會咁設計！

俾人叫陳太個感覺好得意，老公朝朝都要叫過我一次陳太先出門口返工呢，哈！

大豐收的一日

放埋今日假，聽日又要回歸公司lu！

所以趁住呢一日假期，約埋阿妹一齊去行街！

點知阿妹去到九龍塘時話佢好暈，o個時真係嚇死我！

好彩過多一陣佢就話無事，已經繼續搭緊車黎我屋企！

老公下晝無去見客，返o左黎訓覺！

因為老公只係抖o左一日，仲要o個日係要走去還衫o既！

所以係無正式休息過！

老公太累喇，所以要返黎訓呢！

等老公返o左黎一陣，我就同阿妹去樓下行街喇！

先去o左眼鏡88配眼鏡！

我總共配o左兩副，一副好型o既紫色for出街用，一副粉紫色Gucci用黎返工，因為呢副比較斯文o的！

如果唔係副紫色返工好似唔係太好，我都唔會配兩副呢！

今個星期六就有得拎喇！

而阿妹亦都配o左1day con.！

不過阿妹就返去上水先拎！

之後就開始行匯景商場喇！

我今日總共買o左4件衫同1條9分褲，仲有兩對返工鞋！

而阿妹就買o左1件衫同1條裙！

跟住仲買埋撈撈返屋企食添！

返到去我就叫老公起身去返工喇！

仲試晒所有頭先買o的衫俾阿妹睇添，哈！

再同阿妹傾o下計，好快就到7點lu！

老公亦都放工返黎，阿妹就返屋企食飯喇！

今日好豐富呀，好期待快o的有新眼鏡戴呢！

陳太婚後第一次落廚

由於好耐都無親自下廚煮過o野俾老公食，我又放假，所以今日就去o左買o野煮飯喇！

記得初初一齊我成日整薑葱炒蟹俾老公食！

佢次次都讚不絕口！

所以今日亦都係整我拿手小菜呢！

仲有炒牛肉同豉汁蒸白鱔同炒芥蘭！

仲煲o左節瓜章魚湯添！

老公一入門口已經話好香！

仲話好好味添！

聽到o個刻真係心都甜晒嫁！

等我遲o的多o的煮飯俾老公食先得！

咁老公先會覺得娶得一個又入得廚房，出得廳堂o既老婆o麻，哈！

成為陳太的第一天

由23號開始，我就係陳太喇！

由於心情仲未回復，所以只係訓o左5個鐘就自動起o左身！

之後就出去還衫喇！

3個點 – 盈集坊、錦發、婚禮傾城都好順利！

係唯一我o地之前o個晚搵唔返頂馬褂帽！

咁就賠o左$48！

但後黎原來係o係阿Vic架車度，咁豬豬就去拎返再拎去錦發！

老闆娘好好咁退返錢俾我o地呢！

之後由於我o地屋企部dvd機壞o左，所以上o左飛飛屋企睇多次段即日剪片！

呢段片真係好正，個個都話掂！

咁證明無揀錯Picasso！

當初真係buy佢個即日剪片先join，但後黎聽到個段片有o的jm係無特別，都有少少擔心嫁！

但有驚無險，最後係good呀！

跟住就返屋企食飯lu！

食完飯就同老公一齊數人情！

我o地真係估唔到居然會有錢賺呢，初時只係諗唔好蝕咁多就算！

宜家賺返黎個數仲要唔少添！

因為差唔多圍圍都係坐10個人倒，有一圍仲係只坐5個人添！

不過班朋友好好，好多人做人情都係我o地預計唔到o既數！

聽日同後日放假，不如等我呢兩日去做煮飯婆先！

心情依然仲回味緊尋日o既點滴呢！

好似發o左場夢，係一場好夢

辛苦o左兩年，終於都黎到今日！

今日其實whole day我都想喊！

尤其係致詞時，講到多謝媽媽，真係喊o左出黎！

致詞時多謝老公，個個朋友都話感動佢o地都想喊！

致完詞之後望住老公，老公仲流o左一滴眼淚！

最感動位係我真係估唔到老公會當住咁多人唱歌！

仲要係佢自己改篇o既歌詞！

雖然開始時個咪有少少聽唔到，好彩MC Benny夠醒目，即時拎個咪出黎換o左！

我真係忍唔住喊喇，仲喊到個妝化晒！

好彩亦都有化妝司Ashlee o係度！

最辛苦莫過於班兄弟姐妹！

尤其係伴娘、伴郎、老金、阿Vic、飛飛、阿奀同阿芹！

我去換衫，即係等於伴娘、飛飛同阿奀都無得食o野！

每位兄弟姐妹都好盡力去幫我o地！

有你o地我同老公先唔使理咁多o野，專心去影相！

你o地餐慶功宴真係唔少得！

呢16位兄弟姐妹當日為我同老公做過o既o野，唔好以為我成日去換衫，老公成日去show show，但我同老公係完全知道晒！

無o左你o地，我個婚禮唔會咁順利！

尤其係伴娘你，尋日msn o既一段話，令我真係覺得我無揀錯人做我伴娘！

當日表現簡直係excellent！

因為有你o係我身邊，我先無俾我奶奶激親，可以成日keep住笑同靚！

你永遠都係我好姐妹！

雖然辛苦o左成2年，但只要諗返當日o既開心、感動同賓客反應，咩都值得！

呢個真係一個好好o既回憶！

                             

1123傻豬之家誕生

今日下晝3點半，我就由陳小姐成為陳太！

其實讀誓詞o個時好想喊，但因為我知我個妝花o左唔靚，所以忍住！

不過個個都睇得出我對眼係水汪汪！

連化妝師都話好驚我真係喊，到時唔知點即場同我補妝好！

今日一切都好順利！

Details再慢慢細錄！

倒數3日 – 婚紗晚裝Final Fit

今日終於都去到A&D final fit喇！

即係好快就到bd喇！

我準時7點去到！

去到Dorthory 同Annie已經準備好等緊我喇！

先黎試進場o個件拖尾一字肩婚紗！

再黎就係迎賓o既湖水綠晚裝！

呢件伴娘佢o地都話我係著得最好睇o既！

跟住就係敬酒衫！

呢件係幾經辛苦先揀到出黎嫁！

最後就係成個小公主o既送客衫喇！

我最鐘意呢件！

由於放工個樣唔係太得，費事嚇親人，所以都係只share件衫好喇！

Dorthory同Annie仲幫我襯好晒o的頭飾同頸鏈添！

                        

好彩今次比上次都無肥到，改完件衫都仲著得落o姐！

件件都好o岩，除o左件紅色有少少緊！

因為伴娘話一著o左背部有少少肉bit o左出黎，只係少少，又唔係多！

Annie佢o地話一放就會一吋，咁件衫因為用黎敬酒用，要走黎走去，所以驚我sin落黎！

未諗放唔放好，等星期六再去試多次，有師傅o係度可以即時改！

倒數4日 – 裙褂馬褂final fit

上星期六約好o左今晩放工去試裙褂！

我o地7點半倒去到！

先黎係豬豬試先！

豬豬著起真係好型仔呢，哈！

之後就到我試喇！

件褂o的線好閃，我覺得好新嫁，話就話係頭褂，但唔知實情係唔係呢！

不過我覺得望落去夠閃同新已經足夠啦！

個腰位都改得幾o岩，起碼見到條腰先！

老闆娘話褂唔可以太窄身嫁喎，要有少少鬆先會好睇！

豬豬都話我好靚靚喎，哈！

之後俾埋尾數同拎埋兩件上頭用睡衣就返屋企lu！

老闆娘仲問我件睡衣要粉紅好唔好！

我話要大紅，因為粉紅係人o地嫁第二次先著嫁o麻！

又向1123邁進一步喇！

倒數4日 – 收金器

由於契舅父佢o地要返大陸飲，夜晚先可以黎到我個婚宴！

所以佢o地尋日拎o左佢o地預先為我準備o既金手鏈俾我，等我出門過男家時可以戴住！

雖然未斟茶，佢都已經封好兩封利是俾我同豬豬！

仲要連上頭封利是都準備埋添！

真係好多謝契舅父同舅母咁有心呢！

仲要趕落黎飲我o個餐！

原來佢o地o係5月時已經買o左！

o個時o的金咁貴都照買，我都真係幾感動嫁！

感動唔係因為有金器收，而係佢o地o個份心意！

仲要特登走出黎俾定我，想我有多o的金器過男家，想我嫁得好好睇睇！

佢o地呢份心意，我永世難忘呢！

倒數4日 – 遊戲用品

MC Benny要求我o地整遊戲用品！

係咩唔講住啦，因為要in top secret o麻！

咁尋日見退o左燒無咩事就去design o下喇！

好彩Benny幫我o地set好晒o的o野，我只係執靚少少就得喇！

今晚俾豬豬過目，佢都無話問題！

咁就可以拎出去印，再返黎做少少手工就大功告成喇！

不過，我o地都要準備o的筆！

預計每枱有2支，咁即係都要成45支先夠呢！

都係買最平o個o的算lu！

倒數5日 – 檯號卡

終於都半完成埋o的檯號卡喇！

總共整o左25張！

不過其實應該只係開23圍，整多幾張係for security用o姐！

之前一路都未整係因為未confirm好人數！

宜家全部confirm晒，可以跟住檯號同組別整喇！

不過都只係半完工，仲要將佢o地貼落張粉紅色/粉藍色膠片先叫完成呢！

呢個咁重要o既任務，就留返俾豬豬做啦，哈！

倒數6日 – 豬豬試酒

其實一早已經同Loretta 訂好晒紅酒！

點知Raymond o個度個貨倉水浸，所以我o地訂o個36支無o左！

好彩貴價o個24支擺o係Loretta公司咋，唔係又報銷埋！

Raymond水浸之後幫我o地試過o個36支酒，個味係變晒！

So 豬豬今晚就要再上去揀過另一隻酒喇！

今晚仲有周生陪豬豬去添！

最後揀o左隻澳洲Shirza酒！

豬豬話我一定鐘意飲喎！

但可惜我病緊發燒，所以唔可以試住！

等過幾日先再試！

進入大直路，希望一切都順利啦！

倒數6日 – 發燒

真係死火，仲有唔夠1個星期先黎發燒！

上個星期o既感冒未清，加上星期六日咁辛勞，所以今日黎發病！

今朝已經因為肚痛，所以成10點先返公司！

下晝個人開始頭暈，仲發埋燒添！

媽媽仲叫我即時走，話我要養好個身體，佢唔想見到個病o既新娘喎！

所以下晝2點半就走o左喇！

醫生話我要休息多o的，仲寫埋聽日假俾我！

佢話一定要休息夠個病先會好喎！

為o左大日子要靚靚同精神著想，所以返到屋企食藥就訓lu！

訓足4個鐘，再起身食o野，今日我o的阿姨上黎打牌！

由3姨做大廚，不過我都無份食！

蝦同蟹都唔食得，只可以食魚！

食飽就再食藥上床訓覺lu！

希望今日休息夠，星期四前可以好返啦！

倒數7日 – 兄弟姐妹開會

仲有7日，終於黎個終極兄弟姐妹開會！

不過可惜有部份人未能出席！

其實今次安排呢個聚會，只係想佢o地溝通多o的，熟一o的，咁到時就可以玩得盡興o的！

全日個rundown，各人o既工作崗位都已經brief好佢o地！

而當日要用o既道具都略略簡介過！

仲俾佢o地試過玩我o地預備o左一人一支o既花炮手槍添！

佢o地都不知玩得幾開心！

仲話當我o地切假蛋糕時可以連珠發射喎，哈！

講完正經o野，咁班姐妹就留底傾埋接新娘o既details喇！

由於我都真係驚班兄弟會發爛，所以第一個game o既懲罰係改o左嫁！

話晒都係我大日子，玩還玩，我唔想有人唔開心囉！

不過，當日o既用品list都仲要再執執！

應承o左最遲21號會有個最、最、最final version send出黎俾大家！

倒數8日 – 繼續出動

今日行程非常豐富！

我同豬豬先去o左官塘辦私人事！

之後就去o左九龍灣！

因為要拎返第二對婚戒！

呢對婚戒係戴o係右手o既！

一路有睇開我個blog都知點解會有呢對副婚戒o既出現！

跟住仲confirm埋刻名同日期！

預計21號有得拎，可以趕得切bd作為第二個晚宴見證用！

跟住去金都拎成長片段！

果然同預期中一樣，無驚喜！

我仲覺得有少少悶添！

我o地段片成5分鐘，唔知到時o的guest會唔會悶親呢，哈！

不過豬豬話抵喎，人o地o個o的得4分鐘咋喎！

真係俾佢吹脹！

去完金都，我同豬豬兵分兩路！

我就去長沙灣派帖俾同事！

徐生仲請o左我食tea添！

佢話當日一定會到添！

佢位叔叔真係好錫我呢！

我話俾佢知我今年幾大，佢仲話我個樣生得後生，一o的都唔似喎，哈！

而豬豬就過city同Ja B影畢業相喇！

順道派埋上次食飯無到o既IVE同學！

我同豬豬各自派完，就殺入青衣城喇！

因為要去搵豬豬個中學同學派帖呢！

佢因為特登掉o左更，所以變o左今個星期返工，咁下星期日就可以黎飲我o地o個餐！

呢個同學真係唔話得，知道之後真係好感動呢！

入完青衣，就出返旺角喇！

因為要去試裙褂！

點知原來我o地無打電話話去試身，所以我o地套褂無send到落店！

咁就要再約時間去fitting喇！

由於星期一二我同豬豬都有事做，所以就約到星期三喇！

去完上海街，再去join豬豬班中學同學食飯喇！

點知佢o地約錯豬豬o係始創，當我o地去到見到係人o地擺酒，咁就知係錯o左地方，應該係創興喇！

咁即係我o地由上海街去太子，再由太子去返旺角！

今次第一次見豬豬班中學同學！

佢o地好搞笑，個個拎住我o地張帖係咁影相，仲大叫聖旨到！

仲讚好特別，好靚，好有心思！

我覺得佢o地好真，真係有o個句，講o個句o的人！

佢o地好好傾，感覺唔錯，我都好鐘意佢o地！

今日真係累爆，去o左成10個地方！

藍田 – 官塘 – 九龍灣 – 金都 – 長沙灣/九龍塘 – 青衣 – 上海街 – 始創 – 創興 – 藍田

不過完成o左咁多個任務，雖然係辛苦o的，但係係好開心呢！

倒數9日 – 沙田IVE

今日好準時6點收工！

因為要入沙田IVE派帖俾李Sir同Miss Chan Chan呢！

差唔多7點就入到去喇！

一入到沙田IVE，個感覺好唔同！

係靚o左好多，好多！

畢o左業都成5年幾，無諗過campus會變成咁！

o的facilities好過我o個時好多呢！

而Miss Chan Chan同李Sir 都無咩點變！

我仲坐底同佢o地傾o左成個鐘先走呢！

跟住就要趕下場傳聖旨lu！

倒數9日 – 九龍塘八月花

下場就係豬豬IVE Year 1 o既同學喇！

去到佢o地已經食得七七八八！

其實我去只係負責埋單，因為員工有discount o麻！

不過佢o地都食剩唔少o野俾我食o既！

Dessert仲食o左個好好味o既女麻女麻的曲奇添！

呢個真係幾好味嫁！

跟住豬豬同阿謙就派帖喇！

佢o地o的朋友真係慘，同一日收兩個炸彈！

今日佢o地俾我o既反應先係嫁o麻！

咁起碼我同豬豬聽到佢o地o的comments會開心o的先囉！

聽日就輪到豬豬中學班同學喇！

倒數9日 – 預先收人情

豬豬公司已經派得七七八八！

佢兩個老細同一個GM唔黎得！

所以尋日先俾人情先！

嘩，真係估到估唔到，封人情會咁大封！

一個老細做中間o既4位數字，另一個老細封人情只係少過第一個老細少少，而GM都做3位數近尾！

真係無諗過佢o地唔黎都會做咁多囉！

老細真係老細，出手真係闊綽o的o既！

倒數10日 – 努力中

雖然今日病o左，但因為之前一早約好兩個舊同學食飯，所以夜晚出o左去九龍灣！

我o地今晚去o左三姨做o既翠園食dinner！

好耐無見大容同Lolita，感覺依然好似以前讀書咁！

佢o地仲話點解我唔早o的結婚，等佢o地可以早o的一齊聚一聚喎，哈！

食完晒o野，三姨好叻咁拎o的甜品出黎，係唔使錢嫁！

我o地三個人食o左5碗同一碟蛋散！

今晚真係好開心，雖然仲有少少唔舒服，但見返o的朋友o麻！

黎緊聽日同後日都要出動去派剩返o既帖呢！

要努力呢！

倒數10日 – 打敗仗

仲有10日先黎病！

其實我係俾人傳染嫁！

星期一o個日開早會，師兄已經病！

跟住星期二佢發燒無返工！

我星期三就開始流鼻水！

今日仲鼻塞同喉嚨痛添！

本來唔想請病假，但我驚我頂硬上返工的話，過多兩日會仲嚴重！

所以今日都係拎o左sick leave！

但今晚約o左人派帖食dinner，夜晚都要出一出街！

我要襯今日呢個sick leave，下晝好好休息o下，回復元氣！

壞消息

近呢兩個星期，收到好多好唔好o既消息！

因為呢o的唔好o既消息，令到豬豬好唔開心！

見到佢咁唔開心，但係我咩都做唔到！

因為呢o的問題係我解決唔到o既！

原先預o左咁多圍數，宜家陸陸續續confirm人數！

有唔少人都話撞期黎唔到！

其實我都知1123呢日係旺日，所以我o個邊一早已經hold定o的fd o既期！

所以我o個邊唔係有太多人唔黎得！

但豬豬就失望o的，好似早前寫過，佢公司有同事玩小圈子，令到成圍人唔黎飲！

宜家可能又要少1-2圍！

雖然係自己公司擺酒o姐，佢o地都要做生意！

若真係開唔足o既，佢o地都迫於無耐要間場，間返出黎做晚市！

我當然唔想啦！

不過我諗宜家都應該夠數o既！

阿Q精神，佢o地選擇唔黎係佢o地o既損失，我o地當日一定都會咁開心！

因為黎得都係真心祝福同替我o地高興o既guest！

1123係我o地一個新開始，係屬於我o地兩個o既事！

我唔想俾o的無謂人影響到我同豬豬o既待嫁/待娶心情！

希望豬豬唔好再唔開心啦，I will always be your side！

倒數11日 – 又有新idea

今晚pack o野期間，我同豬豬數o下總共我o地預備o左幾多份禮物！

原來除o左每枱一份o既禮物之外，仲有12份禮物！

呢12份唔係咩名貴o野，只係我同豬豬o既小小心意！

而呢12份禮物，我同豬豬都唔知點分邊份大份o的！

所以就決定o左用一個我o地之前都想用，但搵唔到機會用o既道具作為決定禮物送出o既次序！

就係用我o地部小型扭蛋機喇！

諗住整好12個扭蛋，再叫o係遊戲勝出o既賓客出黎扭，決定佢o地o既禮物！

不過呢個idea仲未同MC Benny夾，聽日豬豬就會同佢傾o下個安排嫁喇！

希望呢小小無聊o既idea大家欣賞啦！

倒數11日 – Confirm 花球顏色

星期二send o左我想要o既撞色效果花球相俾Loretta！

尋日Loretta打俾我，同我傾o的details！

由於我send俾Loretta 係真花相，所以佢要同我解釋出黎個效果可能無真花咁出！

我話其實我係想要個tone o既效果，唔需要exactly一樣感覺！

用咩花我都無指定，可能我個人本來唔係咁鐘意花掛，哈！

最後決定o左兩個花球o既顏色係：

1.      For出門用 – 紅色加香檳色

2.      For 婚紗用 – 紫色加粉紅色

而呢兩個花球，我當日兩個都唔會拎返屋企！

因為呢兩個花球將會有特別安排呢！

Loretta仲會幫我整埋襯返花球o既新郎襟花，主婚人襟花(3個)，兄弟襟花(伴郎+7個兄弟)同姐妹手花(伴娘+7個姐妹)！

雖然姐妹手花我另有安排，但佢成個package咁計，當送多份禮物俾班姐妹啦，哈！

倒數11日 – 開始pack o野

1123當日，會將所有o野pack 落喼！

因為咁樣會方便o的兄弟姐妹拎！

分開大、中同細喼！

暫時三個喼o既分配如下：

細喼會裝註冊用品！

中喼就要黎裝o的VSOP、甜酒同相簿等！

大喼就裝晚宴用o既小禮物，遊戲禮物，檯號卡等等o既濕碎o野！

o的小禮物本來諗住之前一日拎去三姨公司locker，但諗諗o下都係唔放心呢！

話晒都係絕版黎嫁o麻，萬一唔見o左咁點算喎！

每pack都用透明膠袋裝好，咁樣唔使週圍搵先，可以一眼就望到！

不過實在太多o野喇，要分開幾日先可以pack得晒呢！

希望星期日可以pack好8成啦！

甜蜜大曬 – 甜蜜照片比賽

今日下晝食完晏無事做，就上o左esdlife個web度睇o下喇！

估唔到俾我發現到樣o野！

就係我之前參加esdlife個甜蜜大曬照片比賽，居然我同豬豬都旁上有名喎！

一直都無諗過會有人投自己一票！

不過，當我話俾豬豬知時，佢都好開心！

因為事前佢係唔知我post o左o的相上去參加比賽嫁！

其實我都係志在參予o下，獎品真係唔係太在乎！

因為我想大家分享我o既喜悅呢！

希望大家去支持o下啦！

http://campaign.esdlife.com/wedding/watabe_2008/vote.php?picid=11628

倒數11日 – 準備遊戲禮物

其實好早已經準備好晒o的遊戲禮物！

宜家只係爭包裝o的禮物！

每枱最少都會有一個人有禮物！

全部禮物都係以遊戲型式送出o既！

另當然會有o的比較大份o的嫁啦！

希望o的賓客到時皆大歡喜啦！

倒數13日 – 收到婚宴rundown同晚宴遊戲

今日Loretta終於都send 個rundown同mc Benny諗o既遊戲俾我o地喇！

個rundown有少少出錯，不過都係minor o野(只係次序錯o左)，唔大影響！

個game其實之前同Benny見面時已經講解過一次嫁喇！

不過聽日豬豬會再打去同Benny再夾多o的details！

仲要佢諗多一個game做後備先得！

Benny份遊戲minues仲bold o左一定要in top secret 喎！

佢當晚先會brief o的兄弟姐妹！

相信呢個遊戲，由Benny帶領，一定會帶出個氣氛！

希望籍住呢個遊戲，令o的guest知道我o地6年o既喜怒哀樂！

最主要係要令o的guest唔會覺得只係黎食餐飯，我同豬豬o既mission就係要令o的guest難忘！

Even 一兩年後出黎聚o下都會記得當晚o既情景同氣氛！

宜家o既我，好似我facebook status一樣，心情既擔心，又緊張同期待！

倒數13日 – 繼續傳旨

由於我公司公開好多個office，而我又唔得閒逐個office去派喎，咁我就用o左個好聰明o既方法喇！(死未，自己話自己聰明！)

我o地每日都會有同事來回幾個office拎文件！

咁我今日就利用呢個方法俾帖我大新同大埔廠o既同事喇！

大新同事我有單聲話有禮物送俾佢o地，而大埔廠同事就無！

唔知佢o地收到會有咩反應呢，哈！

而長沙灣同事就會今個星期六短週先過去親身派！

大新同事一收到就即刻打俾我，又係話我好有心思！

o係公司個餅咭封度開o左孔(其實係個囍字打孔黎嫁！)，哈！

豬豬今日都拎晒帖返公司lu，不過豬豬話要等兩個老細都o係office先可以派得喎！

好快就派晒喇，咁就唔使晚晚都要出街喇，可以搞o下o的濕碎o野！

超級無敵呼拉圈

今日天氣開始轉涼，最o岩就係打邊爐嫁喇！

一路打邊爐，一路睇電視，真係好爽！

最後一集獎門人，當然有睇啦！

當睇到超級無敵呼拉圈時，我o地覺得好好笑！

咁打邊爐中場休息，我就同豬豬學佢o地玩喇！

其實豬豬係轉到我嫁，不過我掛住笑，無配合佢fing o個o下！

我o地玩o左差唔多成個字，哈！

原來唔止轉人o個個累，被人轉o個個都係好累嫁！

媽媽一路睇住我o地玩，一路係咁笑，佢都不知幾enjoy！

我仲話不如接新娘時要o的兄弟一人fing一個姐妹添，哈！

豬豬就話咁佢o地o的衫一定爛梗都得喇！

我都係講笑嫁咋，當日我班姐妹著到咁靚，又著裙，我唔想佢o地蝕底呀！

倒數15日 – 欄門花球

除o左fitting男禮同買o左花車蝴蝶外，仲有意外收獲！

之前同班姐妹開會，一個欄門花球唔夠，因為我屋企有兩度門！

一度係大門，一度係走廊門！

我之前用買o既花花欄門係無中間o既繡球o既！

呢個係要黎for走廊門用！

而今日買o左個連繡球o既欄門串串！

呢個係for大門用o既！

不過好貴呀，要成$30呀！

我其實真係覺得有o的唔值嫁！

但要用無法，唔通又走上深圳買咩！

一來唔夠時間，二來車費都係返度！

我唔係買色丁布做o既繡球！

係買o左用紗整o既繡球！

真係覺得金都o的價錢可以差別好大！

可以差成$10！

其實我o係金都除o左租姐妹衫、媽咪衫同印帖外，都無o係金都買過一件結婚要用o既濕碎o野！

今次係第一次，亦都係最後一次去金都買結婚用品，哈！

要努力呀，好快就到大日子喇！