今日下晝豬豬自己上過新屋！
之後打俾我，話成間屋o既牆紙已經舖好晒！
豬豬報告話兩幅主題牆o的花都好對，入門口o既主題牆仲好靚喎！
而個浴屏都已經裝好lu！
其實豬豬今日上去o既目的，係數多一次o的電制！
因為佢要同明哥落單o麻！
暫時未知幾多錢，但一定會比出面平，因為係批發價！
總共連埋門鐘訂o左14個電制！
13個白連LED同1個灰連LED！
個灰制用黎襯個主題牆嫁！
仲約埋13號黎裝之前訂好o既水晶燈添！
而廚房門都約埋13號送黎，等蔡師傅星期一去完旅行返黎就可以開工裝埋上去！
我o地都會o係13號拎埋部抽油煙機上去，等蔡師傅可以下星期搞掂埋o的手尾！
過埋13號就可以見到間成o左型o既新屋喇！
唔知個感覺會係點o既呢？
不過下兩個星期就開始忙lu，因為要搞清潔同安排入傢俬呢！
好期待睇你新居完工既相......
回覆刪除[版主回覆07/10/2008 20:07:00]放心，完工會去影相，再放o係相簿呢！
我間屋都七七八八，已經book埋搬屋公司19號搬，到時大家交換相睇吓吖.......
回覆刪除[版主回覆07/11/2008 09:15:00]好呀，我就約25號搬屋！
到時一定share俾你睇！
回覆刪除請問可否介紹個裝修師父比我呀? 我收左樓已經兩星期lu ，搵左一個師父 報價超..超貴，係你度學識好多整屋資料呀.......，你地做任何事都好有條理和有計畫，相反我就比較覺得煩惱，而且我唔係成日係香港，如果仲未開始裝收修，真係怕到時無人跟啊.......好期待睇你新D相，間屋一定好靚啪，我係C05呀 好高興和你同一個屋苑 如果可以介紹給我就E-mail比我呀...margieleecy@yahoo.com.hk
Thanks
[版主回覆07/12/2008 19:08:00]你要等我下個星期先，我問我未來老公拎師傅個電話，同埋等師傅下個星期去完旅行返黎同佢單聲先！
我再e-mail俾你！
真係感謝 你呀，唔緊要啦，我都知道介紹人比較麻煩，而且裝修ge問題比較多，而且我都唔知點搵 裝修師傅 先至會問下你，希望你唔好介意啦!其實你知唔知樓下D承建商OK嗎?不過好似有D恐怖，因為佢地有D似唔正當咁，我見倒佢地打架和有警車到，有D亂所以無搵到佢地..........
回覆刪除或者如果唔方便，我可以E-mail我個電話比你給 裝修 師傅，叫佢打比我都得架，隨你們方便，所有一切好懷我會自己負責，絕不會打攪到你們啊!
Thanks
[版主回覆07/15/2008 09:07:00]我之前間公屋就係用承建商！
個地其實舖得好好，只係佢o的舖牆紙唔得，我住唔夠2年已經飛晒口！
我今日同師傅講，跟住send e-mail俾你！
真係唔該你呀！你真係好人呀，麻煩你唔好意思呀......期待你ge好消息啦！
回覆刪除[版主回覆07/19/2008 07:34:00]唔麻煩，唔好客氣啦！