新居進度 – Day 27

由於廳仲爭一卷牆紙，今晚我同豬豬又要出旺角一轉！

因為要去配返卷牆紙！

今晚我o地放工就出旺角拎埋去新屋，因為師傅要聽朝舖埋剩返呢面o既牆紙！

上到去，已經舖好我o地房同個廳個天花，剩返廳o既牆紙未舖，我諗係師傅等埋我o地今晚拎上去，聽日先開始舖！

見到佢已經cut好晒o的牆紙，我諗聽日牆紙呢paart真係可完工！

一入到我o地房，覺得好靚，仲好襯度門o既粉紅色添，哈！

師傅手工唔錯，因為全部都對花！

而大鏡個框亦都整好喇！係一幅好大o既畫呀！

而窗花都差唔多整好晒，只係爭我o地房未裝上去！

不過，佢掉轉o左個花，所以我o地今晚打o左俾蔡師傅叫佢將o既窗花掉返轉！

因為個窗花係心型黎嫁o麻，掉轉o左就唔似嫁喇！

而廚房個抽氣扇都裝好o左lu，真係好大部呀！

豬豬仲有另一個任務就係打o左電話去明哥度，用批發價買Clipsal E3000電制！

總共我o地連埋門鐘個制，要買14個！

今朝已經俾o左張list，叫豬豬話俾明哥知要咩電制款！

但因為豬豬今日要去見客唔得閒，所以要聽日先打去訂！

好開心呀，辛苦o左廿幾日，終於都差唔多見到個成品喇！

我諗今個星期尾上去，就真係咩都整好晒lu！