舊曆生日

今日係農曆6月25號！

亦都係我舊曆生日o既大日子呢！

之前豬豬係諗住今日入伙o既，因為等我同豬豬都有個難忘o既入伙回憶！

但因為每逢農曆25號都唔利入伙，所以先改o左做尋日！

今晚豬豬請o左我去食我最鐘意o既o野 -- 打邊爐！

我o地去啟田間酒樓度食！

都算抵嫁，連埋媽媽三個人都唔使三百蚊埋單！

豬豬真係好有我心，今日連媽媽都唔記得我係舊曆生日呢！

今年o既舊曆生日真係好難忘，因為係我o係新居o既第一個舊曆生日呢！

唔知，到下個月新曆生日，豬豬會有咩驚喜俾我呢？！

其實只要有豬豬o係身邊，我就會覺得每一日都好開心嫁喇！