新居入伙倒數8日

今日豬豬打俾蔡師傅，講o下個窗簾蓋底o既o野！

只要佢再執埋呢度，咁就叫大功告成喇！

師傅話要下個星期一先幫到我o地搞喎！

聽朝豬豬約o左未來奶奶朝早上去裝窗簾，順便先搬住o的pack好行李過去，全部都係結婚用o既o野！

我o地會每日拎少少，希望到25號搬時唔使一次過搬咁多！

聽朝豬豬會一早上新屋，因為要試o下個企缸會唔會漏水！

方法係強表哥教我o地o既，要聽朝先知結果！

若果有漏水就要師傅再重新整過嫁喇，希望無事啦！

而好blog友今日亦都拎o左o的紙箱俾我，真係唔知點多謝佢呢！

有o左紙箱，我o地就可以全力pack o野喇！

睇黎今個星期六日都係執屋日嫁喇！

但點都會抽少少時間出去印帖先o既！

因為9月就要過大禮，過完大禮就要派帖！

宜家去印都差唔多，預計對稿1星期，印2星期，咁都要8月中先有得拎！

仲要寫人名同入封，我諗都差唔多啦！

真係好唔得閒呢！

好彩下星期有假放o姐，唔係實又再黎病過！