今日豬豬又去o左搞新屋！
本來諗住拎宜家部抽油煙機上去新屋，但因為實在太污糟，所以都係決定買過另外一部！
本來豬豬約o左蔡師傅上新屋，但豬豬過到去時蔡師傅已經走o左，而條key又俾o左我俾同事幫手清潔，所以豬豬無上新屋！
之後豬豬去o左藍田睇抽油煙機，決定o左買富士寶o個部！
而今朝豬豬亦都打o左去再confirm廚房門聽朝送！
因為問過蔡師傅，聽朝佢會上去喎！
但無師傅開工，因為佢話聽日係師傅誔喎！
都唔知係咪o既！
好想佢快o的搞返掂客廳幅牆紙，因為實在太過明顯喇，我接受唔到囉！
不過蔡師傅都跟得幾足o既，都信佢會o係呢個星期可以搞返掂！
仲有就係o的窗花方向尋日都仲未搞掂！
呢個係唯一一個方向o岩o既窗花！
遲o下先再post房、廚房同廁所！
聽你咁講, 個師傅又幾好咁喎 ~ 幫你跟番掂晒 d 野 ~
回覆刪除所以你有一個咁靚的家 ~
梗係真嘅啦！師傅誕係三行嘅大事嚟架！我另一半公司上個星期六先攞咗20圍食師傅誕.......
回覆刪除[版主回覆07/15/2008 17:29:00]原來係咁，咁我都無話唔信我師傅！
不過真係咁o岩所以覺得出奇o姐，哈！
你個窗花好靚喎! 我媽揀咗最普通嘅款咋!
回覆刪除[版主回覆07/16/2008 07:11:00]話晒都係安樂窩，想warm o的同sweet o的呢，哈！